जपानमधून व्हिसीद्वारे शपथ : प्रतिज्ञापत्र न्यायालयाने धरले ग्राह्य | Online Devorced | Sakal
sakal

बोलून बातमी शोधा

court

जपानमधून व्हिसीद्वारे शपथ : प्रतिज्ञापत्र न्यायालयाने धरले ग्राह्य

पुणे : घटस्फोट मंजूर करण्यासाठी आवश्‍यक असलेले प्रतिज्ञापत्र स्वतः हजर राहून किंवा दूतावासासमोर केलेले प्रतिज्ञापत्र सादर करणे शक्य नसल्याने व्हिडिओ कॉन्फरन्सगद्वारे कौटुंबिक न्यायालयातील नाझरसमोर शपथ घेतल्यानंतर हे प्रकरण निकाली काढण्यात आले. यातील अर्जदार पत्नी ही जपानमधून ऑनलाईन हजर झाली होती. (Divorced)

कौटुंबिक न्यायालयाचे (Family Court) प्रमुख न्यायाधीश सुभाष काफरे यांच्या न्यायालयात या प्रकरणाची सुनावणी झाली. या प्रकरणातील जोडप्याने परस्पर संमतीने घटस्फोट घेण्यासाठी दावा दाखल केला होता. मात्र पत्नी सध्या जपानमध्ये असल्याने तिला प्रत्यक्ष हजर राहणे शक्‍य नव्हते. पण न्यायालयीन पद्धतीनुसार तिने स्वतः: अथवा जपान दूतावासासमोर प्रतिज्ञापत्र केले तरच घटस्फोट मंजूर होणार होता. मात्र जपान दूतावासाने प्रतिज्ञापत्र तयार करून देण्यास नकार दिला. त्यामुळे तिची व्हीसीद्वारे शपथ घेत दावा निकाली काढण्यात आला. येथील कौटुंबिक न्यायालयात पहिल्यांदाच अशा प्रकारे घटस्फोट मंजूर करण्यात आला आहे.

हेही वाचा: आंतरराष्ट्रीय प्रवाशांना 7 दिवस होम क्वारंटाईन अनिवार्य - केंद्र सरकार

रंजना आणि सुरेश (नावे बदलली आहेत) असे या पती-पत्नीचे नाव आहे. दोघेही उच्चशिक्षित आहेत. रंजना या सॉफ्टवेअर कंपनीत कामाला आहेत. सुरेश हे जर्मन भाषेतील मजकूर भाषांतरनाचे काम करतात. त्यांचा २०१५ साली पारंपारिक पद्धतीने विवाह झाला होता. दोघांमध्ये सतत वाद होत असल्याने सुरेश यांनी २०१६ मध्ये घटस्फोटासाठी अर्ज केला. कोरोनामुळे दोन वर्षे या दाव्यावर कोणताही आदेश झाला नाही.

याच कालावधीत रंजना या एका कंपनीमार्फत जपान गेल्या. दरम्यान सुरेश यांचे वकील ॲड. सूचित मुंदडा आणि ॲड. शीतल बारणे यांनी रंजना यांच्या वडिलांशी संपर्क साधला. त्यावेळी केलेली चर्चा आणि ॲड. बारणे यांनी व्हॉट्‌सअप आणि फोनद्वारे रंजना यांच्या संपर्कात राहून समझोता घडवून आणला. त्यानंतर त्या परस्पर संमतीने घटस्फोट घेण्यास ती तयार झाली. मात्र जपानवरून प्रतिज्ञापत्र कसे सादर करणार असा प्रश्‍न निर्माण झाला होता.

हेही वाचा: सार्वजनिक सुट्ट्या मूलभूत अधिकार नाही, सुट्ट्या कमी करण्याची वेळ - HC

ऑनलाइन शपथ घेऊन प्रतिज्ञापत्र ग्राह्य धरत न्यायालयाने महत्त्वपूर्ण निकाल दिला आहे. कौटुंबिक न्यायालयात पहिल्यांदाच असे प्रतिज्ञापत्र ग्राह्य धरण्यात आले आहे. त्यामुळे जोडप्याच्या वेळेची बचत झाली आहे.

- ॲड. सूचित मुंदडा, रंजना आणि सुरेश यांचे वकील

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune NewsCourt
loading image
go to top