Construction activity underway in Pune as civic body tightens pollution monitoring norms.
sakal
पुणे : पुण्यात तब्बल १८ हजार अधिकृत बांधकामे सुरू आहेत. पण महापालिकेच्या नियमानुसार केवळ ६७८ बांधकामानांच सेन्सर लावण्याची सक्ती केली आहे. पण त्यापैकी आतापर्यंत केवळ १५३ ठिकाणी म्हणजे शहरातील एकूण बांधकामांपैकी एक टक्क्यापेक्षा कमी बांधकाम प्रकल्पांना हे सेन्सर बसविले गेले आहेत. हवा प्रदूषणाचा प्रश्न गंभीर झालेला असताना हजारो बांधकाम प्रकल्पांवर नियंत्रण नसल्याची धक्कादायक माहिती समोर आली आहे. दरम्यान, हा प्रकार लक्षात आल्यानंतर महापौर मंजूषा नागपुरे यांनी सर्व बांधकाम प्रकल्पांना सेंसर बसविण्याची सक्ती करण्याचे आदेश दिले आहेत.