दिलासादायक! पुणे शहरात आता फक्त ८०५ सक्रिय कोरोना रुग्ण शिल्लक

पुणे शहरात आता फक्त ८०५ सक्रिय कोरोना रुग्ण शिल्लक राहिले आहेत. यापैकी अवघ्या ८७ रुग्णांवर विविध रुग्णालयात उपचार सुरू असून उर्वरित ७१८ जण गृहविलगीकरणात आहेत.
Corona Patient
Corona PatientSakal
Summary

पुणे शहरात आता फक्त ८०५ सक्रिय कोरोना रुग्ण शिल्लक राहिले आहेत. यापैकी अवघ्या ८७ रुग्णांवर विविध रुग्णालयात उपचार सुरू असून उर्वरित ७१८ जण गृहविलगीकरणात आहेत.

पुणे - पुणे शहरात (Pune City) आता फक्त ८०५ सक्रिय कोरोना रुग्ण (Corona Patients) शिल्लक राहिले आहेत. यापैकी अवघ्या ८७ रुग्णांवर विविध रुग्णालयात (Hospital) उपचार सुरू असून उर्वरित ७१८ जण गृहविलगीकरणात आहेत. जिल्ह्यात गुरुवारी दिवसभरात १२८ नवे रुग्ण आढळून आले आहेत. याउलट ३९७ जण कोरोनामुक्त झाले आहेत.

जिल्ह्यातील दिवसातील एकूण नवीन रुग्णांमध्ये पुणे शहरातील ७८ रुग्ण आहेत. दिवसात पिंपरी चिंचवडमध्ये २५, जिल्हा परिषद कार्यक्षेत्रात १४, नगरपालिका हद्दीत एक आणि कॅंटोन्मेंट बोर्ड क्षेत्रात १० नवे रुग्ण सापडले आहेत. दरम्यान, जिल्ह्यातील एकूण सक्रिय कोरोना रुग्णांची संख्याही दीड हजारांपर्यंत खाली आली आहे. सध्या जिल्ह्यात एकूण १ हजार ५६२ सक्रिय रुग्ण आहेत.

Corona Patient
पुण्यातील आणखी आठ विद्यार्थी गेल्या दोन दिवसात युक्रेनमधून पुण्यात परतले

एकूण सक्रिय कोरोना रुग्णांमध्ये पुणे शहरातील ८०५ जणांसह पिंपरी चिंचवडमधील ३१९, जिल्हा परिषद कार्यक्षेत्रात ३४१, नगरपालिका हद्दीतील ५५ आणि कॅंटोन्मेंट बोर्ड क्षेत्रातील ४२ रुग्ण आहेत. दिवसभरात दोन जणांचा कोरोनाने मृत्यू झाला आहे. यामध्ये पुणे व पिंपरी चिंचवडमधील प्रत्येकी एक मृत्यू आहे. जिल्हा आरोग्य विभागाच्यावतीने रोज रात्री कोरोना शहर व जिल्ह्यातील कोरोना रुग्णांचा अहवाल प्रसिद्घ केला जातो. त्यातून हे स्पष्ट झाले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com