वारजे : पंतप्रधान नरेंद्र मोदींना आम्ही त्यांच्या लेकी आहोत याची कल्पना होती व आहे. या दहशतवादी लोकांनी लेकीच कुंकू पुसलं. त्या कुंकवाची मोदी सरांना आठवण होती. त्यामुळे त्यांनी या ऑपरेशनला 'ऑपरेशन सिंदूर ' असे नाव दिले. हे नाव दिल्याने माझे मन भरून आले. असे मत पहेलगाम येथील दहशतवादी हल्ल्यात मृत्युमुखी पडल्याले संतोष जगदाळे यांच्या पत्नी प्रगती जगदाळे यांनी आज सकाळशी बोलताना व्यक्त केले.
