बारामती - भारताने कायमच शांततेचाच पुरस्कार केलेला आहे, ऑपरेशन सिंदूर करण्यामागे भारताची भूमिका जागतिक स्तरावर बहुसंख्य देशांनी स्विकारली असून राजनैतिक मुत्सदेदगिरीमध्येही भारत यशस्वी ठरला आहे, असे प्रतिपादन खासदार सुप्रिया सुळे यांनी केले. .ऑपरेशन सिंदूरबाबत सुप्रिया सुळे यांनी गुरुवारी (ता. 19) बारामतीकरांसमोर अनुभव कथन केले. विद्या प्रतिष्ठानच्या वतीने गदिमा सभागृहात या कार्यक्रमाचे आयोजन केले गेले. संस्थेचे उपाध्यक्ष अँड. ए.व्ही. प्रभुणे, सचिव अँड. नीलीमा गुजर, विश्वस्त किरण गुजर, मंदार सिकची, डॉ. राजीव शहा, रजिस्ट्रार श्रीश कंभोज यांच्यासह प्राचार्य, मुख्याध्यापक, शिक्षक व विद्यार्थी मोठ्या संख्येने उपस्थित होते..सुप्रिया सुळे म्हणाल्या, पंतप्रधान नरेंद्र मोदी यांनी ऑपरेशन सिंदूरनंतर जागतिक स्तरावर भारताची या मोहिमेबाबतची भूमिका पोहोचावी या उद्देशाने खासदारांचे सात गट केले, प्रत्येक गटाने चार देशात जाऊन भूमिका मांडण्यास सांगितले. त्या पैकी एका गटाचे नेतृत्व करण्याची संधी मला मिळाली. दक्षिण आफ्रिका, कतार, इजिप्त व इथिओपिया या देशात आम्ही तेथील खासदार व प्रमुखांना भेटून भारताची भूमिका त्यांनी विशद केली..प्रत्येक देशात गेल्यानंतर संबंधित देशासोबत भारताचे राजनैतिक संबंध किती उत्तम आहेत, हे दिसून आले. दक्षिण आफ्रिकेत नेल्सन मंडेलाइतकेच महत्व महात्मा गांधीजी यांना आहे. जगभरात आजही भारतीय म्हणल्यानंतर महात्मा गांधीजींच्या देशातून तुम्ही आला, असेच बोलले जाते..मी वैयक्तिक कधीच युध्दाचे समर्थन करत नाही, युध्दात कोणीही जिंकत नाही, महिलांच्या नशीबी वैधव्य व मुलांच्या नशीबी अनाथपणा युध्दाने येतो, त्या मुळे शांतता व चर्चेच्या माध्यमातूनच प्रश्न सोडवावेत, असे माझे मत आहे. भारतानेही योग्यवेळी केलेल्या युध्दबंदीचेही जगाने स्वागत केले आहे..चार जणांविषयी सर्वात उत्सुकता....दक्षिण आफ्रिका, कतार, इजिप्त व इथिओपिया या चारही देशात महात्मा गांधी, पं. जवाहरलाल नेहरु, इंदिरा गांधी व नरेंद्र मोदी या चौघांविषयी स्थानिकांनी आम्हाला सर्वाधिक माहिती विचारली, असे सुप्रिया सुळे यांनी नमूद केले. बॉलिवूडविषयीही त्यांना जबरदस्त आकर्षण आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
