इंदापूर : इंदापूर अर्बन सहकारी बँकेने कोरोना महामारीत खातेदार व ठेवीदार यांना उत्तम सेवा देवून एनपीएत गेलेल्या कर्जदारांकडून देखील चांगली वसुली केली. त्यामुळे बँक आधारवड ठरली आहे असे मत माजीसहकार मंत्री तथा बँकेचे संस्थापक हर्षवर्धन पाटील यांनी व्यक्‍त केले.
इंदापूर अर्बन बँकेची ९४ वी वार्षिक सर्व साधारण सभा बँक कार्यालयात व्हिडिओ कॉन्फरन्सिंगव्दारे खेळीमेळीच्या वातावरणात पार पडली. यावेळी बँकेचे अध्यक्ष देवराज जाधव, उपाध्यक्ष सत्यशील पाटील, माजी अध्यक्ष भरत शहा, मुख्य कार्यकारीअधिकारी विजय तावरे उपस्थित होते.
हर्षवर्धन पाटील पुढे म्हणाले, सहकार क्षेत्रा तील बँका व संस्था टिकवण्यासाठी पारदर्शी कारभाराबरोबरच रिझर्व्ह बँकेचे नियमकाटेकोर पणे पाळणे गरजेचे आहे. कर्ज खातेदारांनी घेतलेल्या कर्जाचा योग्य विनियोग करूनकर्ज परतफेड करणे गरजेचे आहे. बँकेचे माजी अध्यक्ष भरत शहा, विद्यमान अध्यक्ष देवराज जाधव यांच्यासह सर्वसंचालक मंडळ,कर्मचारी बँकेचे कामकाज पारदशीपणे चालवित असून सभासदांना दहा टक्‍केलाभांश देण्याची त्यांनी तरतूद केली आहे.
बँकेचे अध्यक्ष देवराज पाटील म्हणाले,बँकेस अहवाल सालात ६ कोटी ८४ लाख करपूर्व नफा झाला असून निव्वळ नफा २ कोटी ३५ लाख १६ हजार रुपये झाला आहे.
यावेळी संचालक अँड.रामकृष्णमोरे,अमरसिंह पाटील, विलासराव माने,संदीप गुळवे,अँड. विकास देवकर,दादाराम होळ, आदिकुमार गांधी, लालासाहेब सपकळ, भागवत पिसे, अविनाश कोतमिरे, उज्ज्वला गायकवाड,डॉ. अश्विनी ठोंबरे, उल्हास जाचक,अँड. विजय पांढरे उपस्थित होते. अहवालवाचन बँकेचे मुख्य कार्यकारीअधिकारी विजय तावरे यांनी तर सुत्रसंचालन ज्योतिराम जामदार यांनी केले. आभार प्रदर्शन संचालक अशोक शिंदे यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
