(व्हिडिओ) भलरीच्या तालावर रंगली भात लावणी

आपटाळे (पुणे) : जुन्नर तालुक्‍याच्या पश्‍चिम आदिवासी भागातील बहुतांशी ठिकाणी पावसाअभावी भात लावणी रखडल्या होत्या. मात्र, गेल्या काही दिवसांपासून या परिसरात समाधानकारक पाऊस होत आहे. त्यामुळे भात लावणीच्या कामांना वेग आला आहे. आदिवासी भागातील महिला शेतकरी पारंपरिक लोकगीते म्हणत लावणीची कामे करतानाचे चित्र दिसून येत आहे.

खडकवासला प्रकल्पातील पाणीसाठ्यात एवढ्या टक्क्यांनी वाढ
 

जुन्नरच्या आदिवासी भागातील शेतकऱ्यांचे अर्थकारण भात शेतीवर अवलंबून आहे. दरवर्षी जुलै महिन्याच्या अखेरीपर्यंत भाताच्या आवणीची कामे पूर्ण होतात. यंदाच्या वर्षी मात्र ऑगस्ट महिना सुरू होऊन देखील पाऊस समाधानकारक होत नसल्याने भात आवणीची कामे खोळंबली होती. घाटमाथा वगळता इतरत्र भाताच्या आवणीची कामे रखडल्याने भात उत्पादक शेतकऱ्यांपुढील अडचणीत वाढ झाली होती. 

पुण्याच्या इतर बातम्या वाचण्यासाठी येथे क्लिक करा

मात्र, गेल्या काही दिवसांपासून होत असलेल्या पावसामुळे भात शेतीच्या कामांना वेग आला आहे. निसर्ग चक्रीवादळाने आदिवासी भागातील शेतकऱ्यांचे मोठ्या प्रमाणात नुकसान केले होते. या नुकसानीतून बळिराजा अद्याप सावरला नसून, पावसाने हुलकावणी दिल्याने भातशेती अडचणीत सापडली असल्याची खंत राजूर येथील उत्पादक दत्तू मुंढे यांनी व्यक्त केली.