FC Road Pune
Sakal
पुणे : डेक्कन परिसरातील फर्ग्युसन रस्ता... शुक्रवारी (ता. ३) दुपारचे एक वाजलेले... फर्ग्युसन रस्त्यावर अचानक बॉम्बस्फोट झाल्याची बातमी वाऱ्यासारखी पसरली. काही क्षणांतच रुग्णवाहिका, बॉम्बशोधक व नाशक पथकांसह शस्त्रसज्ज पोलिसांचा ताफा घटनास्थळी दाखल झाला...परिसरात तणावपूर्ण वातावरण निर्माण झाले. परंतु काही वेळातच हे ‘मॉक ड्रील’ असल्याचे पोलिसांकडून स्पष्ट करण्यात आले अन॒ नागरिकांनी सुटकेचा नि:श्वास टाकला. मात्र, या वेळी कर्वे रस्ता आणि फर्ग्युसन रस्ता परिसरात मोठी वाहतूक कोंडी झाल्याचे चित्र पाहायला मिळाले.
