ओतूर (पुणे) : नगर- कल्याण महामार्गावरील माळशेज घाटातील बोगद्याच्या पुढे आज (ता. २०) सकाळी दरड कोसळली आहे. या घटनेत एका चारचाकी वाहनाचे नुकसान झाले असून, त्यातील पोलिस अधिकारी जखमी झाले असल्याची माहिती ओतूरचे सहायक पोलिस निरिक्षक परशूराम कांबळे यांनी दिली.
इंधन दरवाढीचा वेग सुसाट, डिझेलची दरवाढ सुरूच
माळशेज घाटात या वर्षी एक- दोन ठिकाणी किरकोळ दरड कोसळली होती. पण, त्यावेळी वाहन किवा जीवितहानी झाली नव्हती. मात्र, या वेळी घटनास्थळी टोकावडे पोलिस व महामार्ग पोलिस हजर झाले होते. त्यावेळी स्विफ्ट डिझायर (क्र. एमएच०५ यू २४२३) या मोटारीमध्ये बसलेले राज्य उत्पादन शुल्क विभागाचे पोलिस अधिकारी अशोक देसले हे जखमी झाले आहेत.
दरम्यान रस्त्यावर कोसळलेली दरड, माती व दगड यंत्रांद्वारे बाजूला काढण्यात आली असून, विस्कळीत झालेली वाहतूक सुरळीत सुरू झाली आहे. माळशेज घाट परिसरात धुके असल्याने वाहनचालकांनी घाटात वाहन चालवताना सावधानी बाळगावी व गरज नसताना कोठेही थांबू नये. प्रवास करताना वाहनाचे दिवे लावून प्रवास करावा, असे आवाहन टोकावडे पोलिस ठाण्याचे सहायक पोलिस निरीक्षक सुहास खरमटे व ओतूर पोलिस ठाण्याचे सहायक पोलिस निरीक्षक परशूराम कांबळे यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.