‘अखिल भारतीय उच्चतर शिक्षण सर्वेक्षणा’त सहभागी व्हा; विद्यापीठ प्रशासन | Sakal
sakal

बोलून बातमी शोधा

SPPU

SPPU : ‘अखिल भारतीय उच्चतर शिक्षण सर्वेक्षणा’त सहभागी व्हा

पुणे : सावित्रीबाई फुले पुणे विद्यापीठांशी संलग्न महाविद्यालये आणि परिसंस्थांना केंद्र सरकारच्या शिक्षण मंत्रालयातर्फे होणाऱ्या अखिल भारतीय उच्चतर शिक्षण सर्वेक्षणात (एआयएसएचई) सहभागी होणे बंधनकारक राहणार आहे. त्यासाठी सर्व महाविद्यालये आणि परिसंस्थांनी ‘एआयएसएचई’ पोर्टलवर नाव नोंदणी करणे आणि आवश्यक ती माहिती भरणे गरजेचे आहे, असे आवाहन विद्यापीठ प्रशासनाने केले आहे.

हेही वाचा: पाकची आडकाठी दूर, अफगाणिस्तानात पोहोचणार भारताचा गहू

केंद्र सरकारच्या शिक्षण मंत्रालयातर्फे देशातील उच्च शिक्षणाबाबत धोरणात्मक निर्णय घेण्यासाठी दरवर्षी शिक्षण संस्थांची सांख्यिकी माहिती मागविण्यात येते. त्यानुसार २०२०-२१ या शैक्षणिक वर्षाची सांख्यिकी माहिती अखिल भारतीय उच्चतर शिक्षण सर्वेक्षणातंर्गत मागविण्यात आली आहे. त्या अनुषंगाने पुणे विद्यापीठाशी संलग्न असलेल्या पुणे, नगर आणि नाशिक जिल्ह्यातील आणि दादरा नगर हवेली या केंद्रशासित प्रदेशातील अनुदानित, विनाअनुदानित व कायम विनाअनुदानित महाविद्यालये, परिसंस्थांकडून अखिल भारतीय उच्चतर शिक्षण सर्वेक्षणाच्या पोर्टलद्वारे माहिती मागविण्यात आली आहे.

या ‘एआयएसएचई’ पोर्टलवर नोंदणी करून माहिती भरणे हे विद्यापीठांशी संलग्न सर्व महाविद्यालयांना आणि परिसंस्थांना बंधनकारक आहे. या पोर्टलवर नोंदणी न केल्यास भविष्यात होणाऱ्या नुकसानीस संबंधित महाविद्यालयांचे प्राचार्य, परिसंसंस्थेचे संचालक आणि नोडल अधिकारी हे जबाबदार असतील, असे विद्यापीठाने स्पष्ट केले आहे. तसेच अद्याप नोंदणी न केलेल्या महाविद्यालयांनी आतापर्यंत नोंदणी का केली नाही, याचा खुलासा उच्च शिक्षण संचालकांकडे त्वरित सादर करावा आणि त्वरित नोंदणी करावी, अशी सूचनाही विद्यापीठ प्रशासनाने दिली आहे.

हेही वाचा: कर्नाटकातील ओमिक्रॉन रूग्णाच्या रिपोर्टसंदर्भात चौकशीचे आदेश

‘‘नव्याने मान्यता मिळालेल्या महाविद्यालयांनी संबंधित पोर्टलवर दिलेल्या सूचनेप्रमाणे नोंदणी करावी. विद्यापीठाशी संलग्न महाविद्यालयांनी व परिसंस्थांनी २५ डिसेंबरपर्यंत पूर्ण माहिती भरणे बंधनकारक असून लवकरात लवकर ही प्रक्रिया पूर्ण करावी. यासंदर्भात काही अडचणी असल्यास संबंधित महाविद्यालयांनी विद्यापीठातील अंतर्गत गुणवत्ता सिद्धता कक्षांशी संपर्क साधावा,’’ असे आवाहन सावित्रीबाई फुले पुणे विद्यापीठाच्या अंतर्गत गुणवत्ता सिद्धता कक्षाचे सहायक कुलसचिव श्रीकांत गायकवाड यांनी केले आहे.

Web Title: Participate In All India Higher Education Survey Savitribai Phule Pune University

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top