पिंपरी - तुम्ही विनाकारण घराबाहेर पडलात..., मॉर्निंग वा इव्हिनिंग वॉक करताय..., लॉकडाउन व संचारबंदी आदेशाचा भंग केलाय..., तर खबरदार. तुमच्या प्रत्येक हालचालीवर सीसीटीव्ही कॅमेऱ्यांची नजर आहे आणि ठेवली जातेय महापालिकेने स्मार्ट सिटी अंतर्गत कोरोनाविरुद्ध लढा देण्यासाठी तयार केलेल्या ‘वॉर रूम’मधून. इतकेच नव्हे तर, कोरोना विषयीचे दैनंदिन अपडेटही ‘वॉर रूम’च्या माध्यमातून तुमच्या पर्यंत पोचविले जात आहेत.
कोरोनाचा प्रादुर्भाव रोखण्यासाठी महापालिकेने फेब्रुवारीपासूनच तयारी सुरू केली होती. वायसीएममध्ये आयसोलेशन कक्ष उभारला होता. जोडीला भोसरीतील नवीन रुग्णालयात यंत्रणा सज्ज ठेवली होती. प्रत्यक्षात अकरा मार्चला पहिले तीन रुग्ण दाखल झाले आणि त्यांचे पुण्यातील नॅशनल इन्स्टिट्यूट ऑफ व्हायरॉलॉजीकडील (एनआयव्ही) रिपोर्ट पॉझिटिव्ह आले. त्यानंतर महापालिका यंत्रणा अधिक वेगाने कामाला लागली.
त्याचाच एक भाग म्हणून स्मार्ट सिटी अंतर्गत ‘वॉर रूम’ उभारण्यात आली आहे.
महापालिकेच्या पीसीएमसी स्मार्ट सारथी ॲपवर कोरोनासंदर्भात सेल्फ असेसमेंट सर्व्हे प्रसिद्ध केला आहे. सर्व नागरिकांनी ‘पीसीएमसी स्मार्ट सारथी ॲप’ डाऊनलोड करावे आणि ‘सेल्फ असेसमेंट सर्व्हे’ भरावा. या माध्यमातून घरबसल्या शंका निरसन होईल. तसेच महापालिकेलाही नागरिकांची योग्य माहिती मिळेल.
- श्रावण हर्डीकर, आयुक्त, महापालिका
वॉर रूमचे फायदे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
