आळंदी (पुणे) : अध्यात्म हीच खरी देशाची ताकद असून संपूर्ण विश्वात भारताला बलशाली बनविण्याचे काम अध्यात्माने केले. भेदाभेद न करता भारतीय संस्कृती, भक्ती आणि अध्यात्म तळागाळापर्यंत पोचविण्याचे काम वारकरी संप्रदायाने केले, असे प्रतिपादन पिंपरी पोलिस आयुक्त कृष्णा प्रकाश यांनी येथे केले.
- पुण्याच्या बातम्या वाचण्यासाठी येथे ► क्लिक करा
गुरूवर्य जोग महाराज वारकरी शिक्षण संस्थेतील अध्यापक विठ्ठल महाराज घुले यांच्या दहाव्या स्मृतिदिनानिमित्त आयोजित कार्यक्रमात कृष्णा प्रकाश बोलत होते. यावेळी जोग महाराज वारकरी शिक्षण संस्थेचे चिटणीस आणि अध्यापक बाजीराव चंदिले, डी. डी. भोसले, अशोक कांबळे, राहुल चिताळकर, सचिन गिलबिले, राजाभाऊ चोपदार, अविनाश पाटील, गोविंद गोरे, पांडुरंग शितोळे आदी उपस्थित होते. अध्यात्मिक गुरूकूल संघ, मराठा पाटील संघटना आणि आळंदीकरांतर्फे कृष्ण प्रकाश यांचा माऊलींची प्रतिमा देत सन्मान करण्यात आला.
"रिस्क नको' म्हणत अवैध धंदे बंद
पोलिस आयुक्त कृष्णा प्रकाश येणार असल्याने आळंदीतील दारू, मटका, लॉजिंग व्यवसाय शनिवारी सकाळपासूनच बंद होते. एरवी गावठाणातील दारूविक्री, अवैध लॉजिंग आणि मटका धंद्यावर वर्दळ असायची. मात्र कृष्णप्रकाश कोणत्याही वेशात येऊन मोहीम राबवितात, हे अनेकांना माहित असल्याने "उगाच रिस्क नको' म्हणत अनेक ठिकाणचे अवैध व्यवसाय पूर्णपणे बंद होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.