मार्केट यार्ड (पुणे) : गुलटेकडी येथील मार्केट यार्डात दोन महिन्यांपूर्वी बाजार समितीकडून भुसार विभाग, तसेच तरकरी, फळ विभागात अनेक ठिकाणी रस्त्यांचे डांबरीकरण केले होते. परंतु पावसामुळे रस्त्यांवर खड्डे पडले आहेत. त्यामुळे रस्ता दुरुस्तीसाठी खर्च केलेले कोट्यावधी रुपये पाण्यात गेल्याची भावना मार्केट यार्डातील व्यापारी, खरेदीदार व्यक्त करत आहेत.
बाजार आवारात व्यापारी, कामगार, विक्रेते, खरेदीदार यांच्यासह दररोज 10 ते 15 हजार नागरिक ये जा करतात. येणाऱ्या नागरिकांना या खड्ड्यांचा रस्त्याचा नाहक त्रास सोसावा लागत आहे. पराग भेलके म्हणाले, मी भाजीपाला खरेदीसाठी दररोज बाजारात येतो.
बाजारात अनेक ठिकाणी मोठे खड्डे आहेत. बरच्यादा गर्दी असल्याने खड्ड्यांचा अंदाज येत नाही. रस्ते नवीन झाले तरी त्यावर लगेच खड्डे पडले आहेत. खड्ड्यांमुळे वाहनांचे नुकसान होतच आहे. परंतु अनेक ठिकाणी अपघाताची देखील शक्‍यता असल्याचे किराणा माल खरेदीसाठी आलेले अजित यादव यांनी सांगितले.
दोन महिन्यांपूर्वी रस्त्यांचे काम झाले आहे. त्या ठिकाणी रस्त्याचा एकच थर टाकलेला आहे. पावसामुळे बाजारात अनेक ठिकाणी दुसरा थर टाकलेला नाही. तो लवकरच टाकून घेतला जाणार आहे.
- अरविंद फरतडे, स्थापत्य विभाग, बाजार समिती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.