तळेगाव ढमढेरे (पुणे) : कोरोनाच्या आपत्कालीन परिस्थितीत शैक्षणिक सत्राबाबत राज्य शासनाने सूचना मागितल्या नुसार महाराष्ट्र राज्य शिक्षक परिषदतर्फे नियोजन प्रारूप आराखडा सदर करण्यात आला असल्याची माहिती परिषदेचे पुणे जिल्हा अध्यक्ष गुलाबराव गवळे व उपाध्यक्ष मोहन ओमासे यांनी सांगितली.
आणखी वाचा- लाॅकडाउन वाढणार; पण...
सदर प्रारूप तयार करण्यासाठी महाराष्ट्र राज्य शिक्षक परिषदतर्फे अभ्यास गट तयार करून, त्याप्रमाणे राज्यातील परिषदचेे पदाधिकारी, मुख्याध्यापक व शिक्षक यांच्या कडून माहिती संकलित केली. त्यातील शासनाला सादर केलेले महत्वाचे प्रारूप मुद्दे पुढील प्रमाणे :-
विद्यार्थी हे राष्ट्राची संपत्ती आहेत त्यानुसार त्यांच्या जीविताचे रक्षण करणे गरजेचे आहे. १५ व २६ जूनपासून कोणत्याही परिस्थितीत शाळा, महाविद्यालय सुरु करू नयेत. कोरोना संकट पूर्णपणे संपुष्टात आल्याची खात्री झाल्यावर शाळा व महाविद्यालय सुरु करावेत असेही नमूद करण्यात आले आहे.
ताज्या बातम्यांसाठी डाऊनलोड करा ई-सकाळचे ऍप
महाराष्ट्र राज्य शिक्षक परिषदेने शैक्षणिक सत्र सुरु करण्यापूर्वी आवश्यक सूचनाचे प्रारूप शासनाकडे सदर केले आहे. अभ्यास गटातील तज्ञ पुढील प्रमाणे :- पूजा चौधरी -अभ्यास गट प्रमुख, सदस्य :- वेणुनाथ कडू , नरेंद्र वाटकर , किरण भावठणकर , सुनील पंडित, बाबासाहेब काळे. मा. आमदार भगवानराव साळुंखे व आमदार नागो गाणार , राजेश सुर्वे, सुधाकर मस्के , निरंजन गिरी, विलास सोनार, संजय यवतकर , जितेंद्र पवार , राजकुमार बोनकिलेे .
पुण्याच्या बातम्या वाचण्यासाठी येथे ► क्लिक करा
सदर प्रारूप मुख्यमंत्री उद्धव ठाकरे, उपमुख्यमंत्री अजित पवार, उच्च व तंत्र शिक्षणमंत्री उदय सामंत, शालेय शिक्षणमंत्री वर्षा गायकवाड यांना दिल्याची माहिती शिक्षक परिषद पुणे विभागाचे अध्यक्ष राजेंद्र नागरगोजे, मा. आमदर भगवानराव साळुंखे, बाबासाहेब काळे , कार्याध्यक्ष जितेंद्र पवार, सोमनाथ राठोड, कोषाध्यक्ष राजेंद्र सूर्यवंशी यांनी दिली आहे .
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.