पुण्यात कोरोनाबाधितांवर होणार प्लाझ्मा थेरपीचा प्रयोग? प्लाझ्मा फोरेसेस मशीन ससून रुग्णालयात 

पुणे : कोरोनाबाधित रुग्णांवर प्रायोगिक तत्वावर प्लाझ्मा उपचाराबाबत प्रशासनाच्या वतीने प्रयत्न सुरु आहेत. कोरोनाच्या वाढत्या रुग्णसंख्येवर मात करण्याच्या दृष्टीने प्रतिबंधात्मक उपाय म्हणून ससून रुग्णालयाला उद्योजक अविनाश भोसले यांनी प्लाझ्मा फोरेसेस मशीन भेट दिली आहे, अशी माहिती विभागीय आयुक्त डॉ.दीपक म्हैसेकर यांनी दिली.

ताज्या बातम्यांसाठी डाऊनलोड करा ई-सकाळचे ऍप

- प्लाझ्मा फोरेसेस मशिन वापरण्यासाठीचा प्रस्ताव आयसीएमआरकडे सादर
प्लाझ्मा फोरेसेस मशिन वापरण्यासाठी परवानगी देण्याबाबतचा प्रस्ताव आयसीएमआरकडे पाठविण्यात आला आहे. याबाबत परवानगी मिळाल्यानंतर उपचार सुरु करण्याबाबत कार्यवाही करण्यात येणार आहे. या मशिनद्वारे प्लाझ्मा वेगळा काढला जावू शकतो आणि हा प्लाझ्मा कोविड रुग्णाच्या उपचारासाठी वापरला जावू शकतो.

Video : आठ बाय आठ फुटांच्या खोलीत, कसं पाळायचं डिस्टंसिंग?

कोण बनु शकतो प्लाझ्मा डोनर?
- असा प्लाझ्मा 18 वर्षांवरील पुरुष किंवा महिला व्यक्ती देवू शकते. तथापि संबंधित महिला अद्यापर्यंत गर्भवती राहिलेली नसावी.  तसेच त्या व्यक्तीचे वजन 55 किलो पेक्षा जास्त असणे आवश्यक आहे
- प्लाझ्मा देणाऱ्या व्यक्तीच्या कोविड-19 च्या शेवटच्या दोन्ही चाचण्या निगेटिव्ह असणे आवश्यक आहे. यानंतर 14 दिवसांनी संबंधित व्यक्ती कोरोनाच्या रुग्णाला प्लाझ्मा देवू शकतात.
- प्लाझ्मा डोनेट करण्यापूर्वी मागील 28 दिवसात या व्यक्तीमध्ये कोविड-19 ची कोणतीही लक्षणे आढळलेली नसावीत.
- संबंधित व्यक्ती हिपॅटाइटिस- बी तसेच एचआयव्हीबाधित नसणे आवश्यक आहे. त्याचबरोबर रक्तदान करताना तपासणी करण्यात येणारा रक्तगट यासह आवश्यक त्या सर्व खबरदारी घेण्यात येईल

Coronavirus : पुण्यातून कोरोनाचा होऊ शकतो नायनाट; पण...