PMC Budget 2021-2022 : 8 हजार 370 कोटी रुपयांचा अर्थसंकल्प सादर; पुणेकरांना काय मिळणार?

पुणे : कोरोनासारख्या साथीच्या आजारावर कायमस्वरुपी उपाय म्हणून आर्थिक व्यवस्थाच सक्षम करताना, सार्वजनिक वाहूतक व्यवस्था , खाजगी वाहने आणि शहरातील महत्त्वाकांक्षी या प्रकल्पांना प्राधान्य देत, स्थायी समितीने तब्बल 8 हजार 730 कोटी रुपयांचा अर्थसंकल्प2021-2022 सोमवारी सादर केला. स्थायी समिती अध्यक्ष हेमंत रासणे यांनी हा अर्थसंकल्प सादर केला.  या आधी माहापालिका आयुक्त विक्रम कुमार यांनी 7 हजार 650 कोटी रुपयांचा अर्थसंकल्प त्यात 720 कोटी रुपायांची भर घालून रासणे यांनी हा अर्थसंकल्प 2021-2022 सादर केला.

महापालिकेच्या महापौर मुरलधीर मोहोळ यांच्या अध्यक्षते खाली सुरु असलेल्या ऑनलाईन सर्वसाधरण सभेत हा अर्थसंकल्प 2021-2022 सादर केला जात आहे.

स्थायी समितीने सादर केलेल्या अर्थसंकल्पाची वैशिष्टये

प्रभावी महसूल वाढ
- मिळकतकरातील गळती थांबविणार.

 महापालिकेचे पहिले वैद्यकीय महाविद्यालय या वर्षी सुरू होणार (अंदाजपत्रकातील तरतूद : १४६ कोटी रुपये)
- नानाजी देशमुख कॅन्सर रुग्णालय (अंदाजपत्रकातील तरतूद : १ कोटी रुपये)
- डॉ. कोटणीस आरोग्य केंद्रात सुपर स्पेशालिटी युरॉलॉजी/युरो सर्जरी हॉस्पिटल (अंदाजपत्रकातील तरतूद : १ कोटी रुपये
- पाचही विभागांत अतिदक्षता विभाग सुरू होणार(अंदाजपत्रकातील तरतूद : ५ कोटी रुपये)
- मुकुंदराव लेले दवाखाना अद्ययावतीकरणअंदाजपत्रकातील तरतूद : १ कोटी रुपये)
- आरोग्य वर्धन प्रकल्प (अंदाजपत्रकातील तरतूद : ५ कोटी रुपये)
- ‘मधुकर बिडकर रक्तपेढी’ उभारणी अंतिम टप्प्यात (अंदाजपत्रकातील तरतूद : ७० लाख रुपये)
-आधुनिक तंत्रज्ञानाने हृदयरोग निदान (अंदाजपत्रकातील तरतूद : २ कोटी रुपये)
- स्वर्गीय रामभाऊ म्हाळगी हृदयरोग चिकित्सा सुविधा (बालकांसाठी) (अंदाजपत्रकातील तरतूद : २ कोटी रुपये)
- स्तन आरोग्य तपासणी कार्यक्रम(अंदाजपत्रकातील तरतूद : ३ कोटी रुपये)

- मुकाबला कोरोनाचा (अंदाजपत्रकातील तरतूद : १० कोटी रुपये) 
- नवीन कार्डिअ‍ॅक अ‍ॅम्ब्युलन्स (अंदाजपत्रकातील तरतूद : १ कोटी रुपये)
- पंडित दीनदयाळ उपाध्याय अपघात विमा योजना (अंदाजपत्रकातील तरतूद : ५० लाख रुपये)

गतिमान वाहतूक

• डिसेंबर अखेरपर्यंत पाच टप्प्यांवर मेट्रो धावणार (अंदाजपत्रकातील तरतूद : ३ कोटी ५० लाख रुपये)
• स्वारगेट-कात्रज, नगर रस्ता बीआरटी कार्यान्वित (अंदाजपत्रकातील तरतूद : ७० कोटी रुपये)
• ‘राष्ट्रीय महामार्ग योजने’अंतर्गत नगर रस्त्यावर उड्डाण पूल
• डी. पी. रस्ते आणि पूल खासगी सहभागातून (पीपीपी) विकसित करणार (अंदाजपत्रकातील तरतूद : १४१ कोटी रुपये)
• पादचार्‍यांसाठी सिग्नल(अंदाजपत्रकातील तरतूद : १ कोटी ५० लाख रुपये)

महत्त्वाच्या रस्त्यांसाठी तरतुदी

• शिवणे-खराडी रस्ता(अंदाजपत्रकातील तरतूद : २८ कोटी रुपये)
• कात्रज-कोंढवा रस्ता (अंदाजपत्रकातील तरतूद : ३५ कोटी रुपये)
• बालभारती-पौड फाटा रस्ता (अंदाजपत्रकातील तरतूद : ७० लाख रुपये)
• सक्षम सार्वजनिक वाहतूक (अंदाजपत्रकातील तरतूद : ८५ कोटी रुपये) 
   
• मुख्य मार्गावर दर पाच मिनिटाला मिळेल बस
• पुण्यात वातानुकूलित बसमध्ये दिवसभरात कुठेही प्रवास करा ‘फक्त १० रुपयांत’
• ‘अटल योजने’त अवघ्या पाच रुपयांत पाच किमीचा प्रवास 

समान, शुद्ध पाणीपुरवठा (अंदाजपत्रकातील तरतूद : २८ कोटी रुपये) 

• समान पाणीपुरवठा योजनेला गती
• भामा-आसखेड योजना कार्यान्वित 
• मुळशी धरणातून पुणे शहराला पाणी पुरवठा करण्यासाठी डीपीआर तयार करणे

नदीसुधारणा-काठ सौंदर्यीकरण 

• पुण्यातील शंभर टक्के सांडपाण्यावर प्रक्रिया होणार 
• समाविष्ट ११ गावांमध्ये मलवाहिन्या विकसित करणार (अंदाजपत्रकातील तरतूद : १२० कोटी रुपये)
• साबरमतीच्या धर्तीवर मुळा-मुठा नदीकाठ विकसन(अंदाजपत्रकातील तरतूद : १०५ कोटी रुपये)
• जांभुळवाडी तलावाचा पीपीपी तत्त्वावर पुनर्विकास (अंदाजपत्रकातील तरतूद : १ कोटी रुपये)
• घनकचरा व्यवस्थापन (अंदाजपत्रकातील तरतूद : २ कोटी रुपये)

पर्यावरण संवर्धन

• पर्यावरण विभागाअंतर्गत ‘हवामान बदल’ अभ्यास अंदाजपत्रकातील तरतूद : ५० लाख रुपये)
• इलेक्ट्रिक व्हेइकल चार्जिंग स्टेशनन (अंदाजपत्रकातील तरतूद : ५० लाख रुपये)
• सीएनजी पंपांची उभारणी (अंदाजपत्रकातील तरतूद : ५० लाख रुपये)
• सौरऊर्जा प्रकल्पांची उभारणी (अंदाजपत्रकातील तरतूद : ५० लाख रुपये)
• खासगी सहभागातून पुनर्विकास (पीपीपी)
• महात्मा फुले मंडईचा पुनर्विकास (अंदाजपत्रकातील तरतूद : १ कोटी रुपये)
• तुळशीबागेचा पुनर्विकास (अंदाजपत्रकातील तरतूद : १ कोटी रुपये)
• सारसबाग आणि पं. नेहरू स्टेडियम परिसराचा एकत्रित पुनर्विकास (अंदाजपत्रकातील तरतूद : १ कोटी रुपये)
• मुद्रणमहर्षी मामाराव दाते मुद्रणालयाचा पुनर्विकास (अंदाजपत्रकातील तरतूद : २ कोटी १० लाख रुपये)
• के. के. मार्केटचा पुनर्विकास

गुणवत्तापूर्ण शिक्षण

• शिष्यवृत्ती परीक्षेतील गुणवंतांना प्रोत्साहन
• संत तुकाराम महाराज संगीत विद्यालयाचा कायापालट(अंदाजपत्रकातील तरतूद : ५० लाख रुपये)
• श्री छत्रपती शिवाजी महाराज औद्योगिक प्रशिक्षण संस्थेचा कायापालट (अंदाजपत्रकातील तरतूद : १ कोटी १० लाख रुपये)
• मनपा शाळांतील मैदाने विकसित करणार

खेळांसाठी सर्व काही

• तालमींचा विकास करणार(अंदाजपत्रकातील तरतूद : १ कोटी रुपये)
• सदाशिव पेठेत क्रीडा संकुल (अंदाजपत्रकातील तरतूद : ३ कोटी रुपये)
• क्रीडा महोत्सव (अंदाजपत्रकातील तरतूद : ३ कोटी रुपये)
• खेळाला प्रोत्साहन

समाविष्ट गावे

• समाविष्ट गावांतील विकासकामे
• सर्वांसाठी परवडणारी घरे
• प्रधानमंत्री आवास योजना (अंदाजपत्रकातील तरतूद : ७० कोटी रुपये)
• चार गावांमध्ये होणार नगररचना योजना (टी. पी. स्किम)

‘स्मार्ट सिटी’ प्रकल्प  (अंदाजपत्रकातील तरतूद : ५० कोटी रुपये)

शिवसृष्टी, स्मारके, वारसा प्रकल्प, सांस्कृतिक

• शिवसृष्टी (अंदाजपत्रकातील तरतूद : २० कोटी ७० लाख रुपये)
• जय गणेश सार्वजनिक गणेशोत्सव संग्रहालय  (अंदाजपत्रकातील तरतूद : २ कोटी रुपये)
• आद्य क्रांतिगुरू लहुजी वस्ताद साळवे स्मारक (अंदाजपत्रकातील तरतूद : १ कोटी रुपये)
• वारकरी सांस्कृतिक भवन(अंदाजपत्रकातील तरतूद : २ कोटी २० लाख रुपये)
• हज हाउस (अंदाजपत्रकातील तरतूद : १ कोटी ५६ लाख रुपये)
• स्वामी विवेकानंद राष्ट्रीय परिषद (अंदाजपत्रकातील तरतूद : ५० लाख रुपये)
• वारसा स्थळांचा (हेरिटेज कॉरिडॉर) विकास (अंदाजपत्रकातील तरतूद : ५ कोटी रुपये)
• आंतरराष्ट्रीय पर्यटकांना आकर्षित करण्यासाठी विशेष योजना(अंदाजपत्रकातील तरतूद : ५ लाख रुपये)

समाज कल्याणकारी योजना

विविध योजना

• शहरात होणार १५ लाइट हाउस प्रकल्प (अंदाजपत्रकातील तरतूद : २ कोटी ८० लाख रुपये)
• स्वयंरोजगार आणि प्रशिक्षण (अंदाजपत्रकातील तरतूद : २ कोटी रुपये)
• शासकीय योजनांचा प्रचार आणि प्रसार (अंदाजपत्रकातील तरतूद : १ कोटी रुपये)
• १५ क्षेत्रीय कार्यालयात महा-ई सेवा केंद्र(अंदाजपत्रकातील तरतूद : १ कोटी रुपये)
• सुशिक्षित बेरोजगारांसाठी (अंदाजपत्रकातील तरतूद : २ कोटी रुपये)
• स्वयंसेवी संस्था/गणेश मंडळांसोबत सह-आयोजक कार्यक्रम (अंदाजपत्रकातील तरतूद : १ कोटी रुपये)
• पत्रकार डी. आर. कुलकर्णी गृहनिर्माण संस्था प्रशिक्षण कार्यक्रम (अंदाजपत्रकातील तरतूद : १ कोटी रुपये)
• संशोधकांना शिष्यवृत्ती (अंदाजपत्रकातील तरतूद : १० लाख रुपये)

उद्योग-व्यवसाय
गुंतवणूकदार सुविधा कक्ष स्थापन करणार(अंदाजपत्रकातील तरतूद : ५ लाख रुपये)

विद्युत
तीस हजार एलईडी दिवे बसविणार (अंदाजपत्रकातील तरतूद : ७ कोटी रुपये)

तीन विधानसभा मतदार संघात सीसीटीव्ही कॅमेरे (अंदाजपत्रकातील तरतूद : २ कोटी रुपये)

माहिती आणि तंत्रज्ञान

पथारी व्यावसायिकांचे पुनर्वसन आणि अतिक्रमण निर्मूलन विभाग (अंदाजपत्रकातील तरतूद : २ कोटी रुपये)

आपत्ती व्यवस्थापन

कामगार कल्याण
सातवा वेतन आयोग आणि विविध योजना

वसंतराव भागवत प्रशिक्षण प्रबोधिनी (अंदाजपत्रकातील तरतूद : ५० लाख रुपये)