Pune Water Crisis : आचारसंहितेतून सूट मिळताच स्थायी समिती आक्रमक; पाणीटंचाई, दूषित पाणीपुरवठा व नालेसफाईवर अधिकाऱ्यांना जाब

पुणे : विधान परिषद निवडणुकीच्या आचारसंहितेमुळे महापालिकेतील बैठका ठप्प झाल्या होत्या. मात्र, शहरातील तातडीच्या नागरी प्रश्नांबाबत निर्णय घेण्यासाठी जिल्हाधिकारी कार्यालयाने महापालिकेला बैठका घेण्यास विशेष परवानगी दिल्यानंतर बुधवारी स्थायी समितीची बैठक पार पडली. बैठकीला सुरुवात होताच नगरसेवकांनी पाणीटंचाई, दूषित पाणीपुरवठा, सांडपाणी आणि नालेसफाईच्या मुद्द्यांवर प्रशासनाला जाब विचारला.