Video : धावत्या बसमध्ये घुसून कंडक्टरला लुटण्याचा प्रयत्न; गुंडाची दादागिरीत सिसिटीव्हीत कैद

पुणे : जनवाडीतील नीलज्योती परिसरात गुंडगिरीमुळे निर्माण झालेल्या दहशतीमुळे बस मार्ग बदलण्याची वेळ आली आहे. शनिपार - नीलज्योती (जनवाडी) हा मार्ग मंगळवारपासून बंद करण्यात आला आहे. या बाबत पोलिसांनी गुन्हा दाखल केला असला तरी आरोपीं अद्याप मोकाट आहेत.

शनिपार - नीलज्योती (मार्ग क्रमांक 59) दरम्यान पीएमपीची बससेवा आहे. शुक्रवारी (ता. 14) सायंकाळी सहाच्या सुमारास बस नीलज्योती थांब्यावर उभी होती. वाहक कैलास रणदिवे हे चालक महादेव शिंदे यांच्याशी गप्पा मारत होते. तेवढ्यात मोटारसायकलवरून दोन युवक आहे. त्यांनी बसमध्ये प्रवेश केला आणि रणदिवे यांना मारहाण करण्यास सुरवात केली. त्यांना बसमध्ये आडवे पाडून रोकड लुटण्याचा प्रयत्न करण्यात आला. रणदिवे यांनी आरडाओरडा केला. त्यामुळे हल्लेखोर दोन्ही युवक पळून गेले.

दारू पिण्यासाठी पैसे दिले नाही म्हणून तरुणाच्या डोक्यात सत्तूरने वार 

शनिपार ते नीलज्योती या मार्गावर या पूर्वीही अशा घटना घडल्या आहेत. त्यामुळे हा मार्ग पीएमपीने 17 फेब्रुवारीपासून बंद केला आहे. त्याऐवजी शनिपार ते जनवाडी (मॅफको कंपनी) या मार्गावर 18 फेब्रुवारीपासून बस धावेल, असे पीएमपीच्या स्वारगेट आगाराने म्हटले आहे. या मार्गावर यापूर्वी कंडक्‍टर, ड्रायव्हरला लक्ष्य करण्यात आल्याच्या घटना घडल्या आहेत. परिसरातील गुंडगिरीमुळे आता मार्ग बंद करण्याची वेळ पीएमपीवर आली आहे.

कानाखाली लगावली म्हणून दगडाने ठेचून निघृण हत्या