Pune Crime : विनापरवाना फ्रेशर्स पार्टीचे आयोजन; ‘किकी’ पबवर गुन्हा

पुणे - महाविद्यालयीन तरुण- तरुणींसाठी २३ ऑगस्ट रोजी विनापरवाना ‘फ्रेशर्स पार्टी’ आयोजित केल्याप्रकरणी बंडगार्डन पोलिसांनी राजाबहादूर मिल परिसरातील ‘किकी’ पबवर गुन्हा दाखल केला. .यानुसार पोलिसांनी निखिल प्रकाश सुर्वे (वय-४२, रा. बोरिवली ईस्ट, मुंबई), रोहन रमेश सावंत (वय-३९, रा. खराडी), उपेंद्र संजय जुवेकर (वय-२६, रा. सोमवार पेठ), सुदर्शन फटाके (वय-२२, रा. पुणे) यांच्यावर गुन्हा दाखल करण्यात आला आहे़.याबाबत पोलिस अंमलदार अमित बधे यांनी बंडगार्डन फिर्याद दिली आहे. कोणत्याही पार्टीची पूर्व सूचना किंवा परवानगी पोलिसांनी दिल्यानंतरच वेगवेगळ्या पार्टीचे आयोजन करावे, अशी पूर्व सूचना पोलिसांनी हॉटेल मालकांना दिली आहे..तरीसुद्धा पोलिसांना कोणतीही माहिती किंवा पूर्व सूचना न देता पार्टीचे आयोजन केले होते. त्या पार्टीसाठी १०० ते १५० मुला मुलींना आमंत्रित केले. हे कळताच त्यांनी ही बाब राज्य उत्पादन शुल्क विभागाला कळविली. त्यानंतर उत्पादन शुल्क विभागाचे अधिकारी त्या ठिकाणी पोचले.विनापरवाना पार्टी आयोजित केल्यास परवाना रद्द; पोलिस आयुक्तांचा इशारामहाविद्यालयीन तरुणतरुणींसाठी फ्रेशर्स पाटीच्या नावाखाली दारूच्या पार्ट्या आयोजित केल्यास संबंधित इव्हेंट कंपन्यांसह हॉटेल,पबचालकांचे परवाने रद्द करण्याचा इशारा पोलिस आयुक्त अमितेश कुमार यांनी दिला आहे. काही दिवसांपूर्वी मुंढव्यातील ओ पी गार्टन पबमध्ये कॉलेजमधील तरुण तरुणींसाठी बेकायदा फ्रेशर्स पार्टी आयोजित केली होती. त्यात मद्य दिले जात होते..उत्पादन शुल्क विभागाने ही पार्टी बंद पाडली. तेव्हा दारू पिऊन तर्राट झालेल्या तरुणतरुणींना मुंढवा भागात गोंधळ घातला होता. त्यावरून हा इशारा दिला आहे. हॉटेल, पबचालकांनी तरुणांना प्रवेश देण्यापूर्वी डिजी लॉकर कागदपत्रांद्वारे वय तपासायचे आदेश सर्व बार, पब यांना आयुक्तांनी दिले आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.