पुणे : खराडीत हॉटेलमध्ये झालेल्या पार्टीवर पोलिसांनी टाकलेल्या छाप्यातील कारवाईचे चित्रीकरण आणि छायाचित्रे कोणी प्रसारित केली, याचा पारदर्शक तपास व्हावा, अशी मागणी राष्ट्रवादी शरदचंद्र पवार पक्षाच्या महिला काँग्रेस प्रदेशाध्यक्षा रोहिणी खडसे यांनी केली.
या प्रकरणात रोहिणी खडसे यांचे पती डॉ. प्रांजल खेवलकर यांच्यासह सात जणांना अटक केली आहे. यापूर्वी रोहिणी खडसे यांनी सोमवारी (ता. २८) रात्री गुन्हे शाखेचे पोलिस उपायुक्त निखिल पिंगळे यांची भेट घेऊन पारदर्शकपणे तपास करण्याची विनंती केली. त्यानंतर खडसे यांनी बुधवारी (ता. ३०) पोलिस आयुक्त अमितेशकुमार यांची भेट घेऊन त्यांच्याकडे तक्रार अर्ज दिला.
डॉ. खेवलकर यांचा मोबाइल पोलिसांकडे असूनही, त्यातील व्हिडिओ आणि छायाचित्रे पहाटे जळगावमधील एका आमदाराकडे कशी पोहोचली, हा मोठा प्रश्न आहे. डॉ. खेवलकर यांना या पार्टीतील अन्य व्यक्तींबाबत पूर्वीपासून काहीही माहिती नव्हती. पार्टीत अचानक दोन अनोळखी तरुणी आल्या आणि थोड्याच वेळात पोलिसांनी छापा टाकला, ही बाब संशयास्पद असल्याचे त्यांनी निदर्शनास आणून दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.