ओतूर - ओतूर, ता. जुन्नर येथील पोलीसानी गहाळ झालेले ३८ मोबाईलचा शोध घेऊन मूळ मालकांना ते परत केले असून, सदर मोबाईलची किंमत सुमारे ४ लाख ५० हजार रूपये असल्याची माहिती ओतूर पोलिस ठाण्याचे सहाय्यक पोलीस निरीक्षक एल. जी. थाटे यांनी दिली..ओतूर पोलीसांच्या या कामगिरीबद्दल सर्वत्र कौतुक होत आहे.ओतूर पोलीस ठाण्याच्या हद्दीत गहाळ झालेल्या मोबाईलचा शोध घेण्यासाठी वरिष्ठांच्या आदेशानुसार एक पथक नेमण्यात आले असून गहाळ मोबाईलचा तांत्रिकदृष्ट्या माहीती प्राप्त करून शोध घेतला असता वनप्लस, विवो, सॅमसंग, रेडमी, ओपो, पोको अशा विविध कंपनी मॉडेलचे एकुण ३८ मोबाईल सुमारे ४ लाख ५० हजार रूपये किमतीचा मुद्देमाल हस्तगत करण्यात आला आहे..त्याप्रमाणे मिळुन आलेले मोबाईल तक्रारदार नागरीकांना ता. २९ रोजी मंगळवारी ओतूर पोलिस ठाण्यात वाटप करणेत आले आहेत. ओतूर पोलिसांकडून या आधीही खुप मोठ्या प्रमाणात गहाळ मोबाईल शोधून नागरीकाना परत देण्यात आले आहे. ओतूर पोलिसांच्या या कारवाईमुळे तालुक्यात कोठे ही मोबाईल गहाळ झाला तरी नागरीक मोबाईल परत मिळेल या आत्मविश्वासाने ओतूर पोलिसात येऊन तक्रार करतात..सदरची कारवाई पुणे ग्रामीण पोलीस अधीक्षक संदीपसिंह गिल्ल, अपर पोलीस अधीक्षक रमेश चोपडे, जुन्नरचे उपविभागीय पोलीस अधिकारी रवींद्र चौधर यांच्या मार्गदर्शनाखाली ओतूरचे सहायक पोलीस निरीक्षक एल. जी. थाटे, पोलिस उपनिरीक्षक युवराज जाधव, संदिप आमणे, पोलिस हवालदार महेश पटारे, नामदेव बांबळे, दिनेश साबळे, विलास कोंढावळे, नदीम तडवी, भरत सुर्यवंशी, बाळशीराम भवारी, विश्वास केदार, शामसुंदर जायभाई, ज्योतीराम पवार, मोहीनी जाधव तसेच सायबर पोलिस ठाणे पुणे ग्रामीणचे महेश गायकवाड, सुनिल कोळी,चेतन पाटील यांच्यासह डुंबरवाडीचे पोलिस पाटील किरण भोर, उंब्रजचे राहुल हांडे, पोलिस मित्र कैलास बोडके, छोटु मणियार,नामा पानसरे यांनी केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
