Pune Police Recover 402 Lost Mobile Phones Across Two Divisions
Sakal
पुणे : शहरात हरविलेले मोबाईल शोधून संबंधित नागरिकांना परत करण्याच्या पुणे पोलिसांच्या उपक्रमाला मोठे यश मिळाले आहे. परिमंडळ चारच्या कार्यक्षेत्रातून हरविलेले २०९ मोबाईल आणि परिमंडळ एकमधील १९३ मोबाईल असे एकूण ४०२ मोबाईल संबंधित नागरिकांना परत करण्यात आले. येरवडा पोलिस ठाण्यात आयोजित एका कार्यक्रमात अतिरिक्त पोलिस आयुक्त मनोज पाटील, पोलिस उपायुक्त सोमय मुंडे यांच्या हस्ते संबंधित नागरिकांना त्यांचे मोबाईल परत करण्यात आले. पोलिसांनी ‘सीइआयआर’ आणि ‘लॉस्ट ॲण्ड फाउंड’ पोर्टलवरील तक्रारींची पडताळणी करून मोबाईल जप्त करण्यात आले.