पिरंगुट (पुणे) : मुळशी तालुक्यातील पिरंगुट येथील पुणे- कोलाड रस्त्यावरील वाईन शाॅपसमोर वाहने उभी केल्याने वाहतुकीला अडथळा निर्माण होत आहे. त्यामुळे येथील वाईन शाॅपसमोर किमान एक ट्रॅफिक वाॅर्डन कायमस्वरुपी नेमावा व त्याच्याकडून येथील वाहतूक सुरळीत करवून घ्यावी, अशी मागणी ग्रामस्थांनी केली होती. त्यानुसार पोलिसांनी येथे वाहतूक कोंडी करण्याऱ्या वाहन चालकांवर कारवाई केली. तसेच, वाईन शाॅपसमोर स्वखर्चाने एक ट्रॅफिक वाॅर्डन नेमण्याची सूचना केली.
या समस्येमुळे येथील नागरिक गेल्या अनेक वर्षांपासून त्रस्त झालेले आहेत. याबाबत अनेकवेळा पोलिसांनी संबंधित दुकानदाराला समज देऊनही कोणतीही कार्यवाही केलेली नाही. त्यामुळे अखेर ग्रामस्थांनी या समस्येला वाचा फोडण्यासाठी सकाळकडे आग्रह धरला होता. याबाबत ग्रामस्थांचे म्हणणे पोलिसांकडे मांडण्यात आले. त्यानुसार आज पोलिस उपनिरीक्षक अनिल लवटे, वाहतूक पोलिस मयूर निंबाळकर व अन्य कर्मचाऱ्यांनी येथील पुणे- कोलाड रस्त्यावरील या दारुच्या दुकानासमोरील वाहतुकीची पाहणी केली.
या पाहणीवेळी या दुकानासमोरील चार गाड्यांमुळे रहदारीला अडथळा येत असल्याचे पोलिसांच्या निदर्शनास आले. त्यामुळे पोलिसांनी या चार चार चाकी वाहनांना प्रत्येकी दोनशे रुपये दंड आकारला आहे. तसेच, वाईन शाॅपच्या चालकालाही आज समज देण्यात आली असून, वाहतुकीला अडथळा निर्माण होऊ नये म्हणून दुकानासमोर स्वखर्चाने एक ट्रॅफिक वाॅर्डन नेमण्याची सूचना केली. या कारवाईमुळे गेल्या अनेक वर्षांपासून येथील वाहतुकीची समस्या सोडविण्यास मदत झाली आहे. त्यामुळे पोलिसांनी केलेल्या सहकार्याबद्दल प्रवाशांनी व ग्रामस्थांनी समाधान व्य़क्त केले आहे.
याबाबत पोलिस उपनिरीक्षक अनिल लवटे म्हणाले, "पिरंगुट येथील वाईन शॅापसमोरील पुणे- कोलाड रस्त्यावर वारंवार रहदारीला अ़डथळा होत असल्याच्या तक्रारी ग्रामस्थांनी केल्या होत्या. त्यामुळे आज तेथील परिस्थितीची प्रत्यक्ष पाहणी केली आणि रस्त्यात उभ्या असलेल्या चार वाहनांना प्रत्येकी दोनशे रुपये दंडाची कारवाई केली. दुकानदाराला समज दिली असून, उद्यापासून ट्रॅफिक वाॅर्डन नेमण्याची सूचना केली आहे. उद्यापासून तेथील वाहतुकीला अडथळा निर्माण झाल्याचे निदर्शनास आल्यास दुकानदारावर कारवाई करणार आहोत."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.