पोलिसांना लवकरच मिळणार खुषखबर! साप्ताहिक सुट्टी अन्‌ ड्युटीही कमी

The police will get good news soon about Weekly vacation and less duty
The police will get good news soon about Weekly vacation and less duty

पुणे : कोरोनामुळे रखडलेली पोलिस भरती नव्या वर्षात मार्गी लागण्याची शक्‍यता निर्माण झाली आहे. राज्याला तब्बल साडे बारा हजार पोलिसांचे अतिरिक्त बळ नव्या भरतीद्वारे मिळणार आहे. अपुऱ्या पोलिस कर्मचाऱ्यांवर येणारा ड्युटीचा ताण कमी होऊन, 10-12 तास करावी लागणारी ड्यूटी आठ तासांवर येणार आहे. त्याचबरोबर आठवड्यातून एकदा हक्काची सुट्टी मिळणार आहे. 

गृहराज्यमंत्री शंभुराजे देसाई यांनी मंगळवारी ही माहिती दिली. विविध कार्यक्रमासाठी पुण्यात आले असताना देसाई यांनी 'सकाळ' कार्यालयास भेट देऊन संवाद साधला. भरतीची प्रक्रिया अगोदर झाली होती. मात्र कोरोनामुळे आरोग्य विभाग वगळता सर्व विभागातील भरती थांबविण्यात आली होती. मात्र मंत्रिमंडळाच्या बैठकीत पोलिस भरती प्रक्रिया पूर्ण करण्यास नुकतीच मान्यता देण्यात आली. या पार्श्‍वभूमीवर देसाई यांना विचारले असता, ते म्हणाले, ""पुढील वर्षभरात भरतीची प्रक्रिया पूर्ण होईल'. 

- पुण्याच्या बातम्या वाचण्यासाठी येथे ► क्लिक करा

देसाई म्हणाले, "आरक्षणानुसार भरती प्रक्रिया राबविण्यात येणार आहे. मात्र त्यामध्ये मराठा आरक्षणाच्या पार्श्‍वभूमीवर ही भरती प्रक्रिया थांबली होती. मात्र हा तिढा लवकरच संपेल. नव्या वर्षाच्या सुरवातीलाच लेखी परीक्षा घेण्याचे नियोजन करण्यात आले आहे. त्यामुळे ही भरती प्रक्रिया पुढील वर्षभरात पूर्ण करून, पोलिस दलात नव्याने साडे बारा हजार पोलिस दाखल होतील. सध्या राज्यातील सगळ्याच पोलिस दलामध्ये अपुरे मनुष्यबळ आहे. त्यामुळे त्यांच्यावर कामाचा अतिरिक्त ताण पडत असल्याने त्यांना 10 ते 12 तास काम करावे लागते. विशेषतः कोरोनाच्या कालावधीमध्ये पोलिसांनी चांगले काम केले आहे. नव्या भरती प्रक्रियेमुळे जादा पोलिस उपलब्ध होऊन उपलब्ध पोलिसांना आठ तासच ड्यूटी करायला मिळू शकते. तसेच पोलिसांच्या घरांचा प्रश्‍न सोडविण्यासाठी 450 कोटी रुपये मंजूर करून दिले आहेत.'' 

पोलिस दलास बंदोबस्त व गस्त करण्यासाठी उपयोगी पडेल, यादृष्टीने अद्ययावत दर्जाच्या 362 गाड्या मागील वर्षी दिल्या आहेत. त्याचबरोबर आणखी साडे तीनशे गाड्या त्यांना देण्यात येणार आहेत. याबरोबरच महिला पोलिसांच्या निर्भया पथकासाठी देखील दोन अद्ययावत वाहने सामाजिक उत्तरदायित्वनिधी (सीएसआर फंड) उपलब्ध करून देण्यात आल्या आहेत, असेही शंभुराजे देसाई यांनी स्पष्ट केले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com