उरुळी कांचन - थेऊर (ता. हवेली) येथील मोलमजुरी करणाऱ्या गरीब कुटूंबातील महेश भराटे याने जिद्दीने आणि मोठ्या कष्टाने खाकी वर्दीचे स्वप्न पूर्ण केले आहे. प्रतिकूल परिस्थितीवर मात करत त्याची मुंबई पोलीस दलात निवड झाली आहे. महेश चे वडील रमेश आणि आई छाया हे दोघे मोल मजुरीचे काम करतात. त्यांचे मूळ गाव धाराशीव आहे. केवळ मुलांच्या शिक्षणाचा विचार करून भराटे दाम्पत्य हे कुटूंबासह थेऊर येथे गेली अनेक वर्ष वास्तव्यास आहेत.
महेश याचे प्राथमिक शिक्षण ज़िल्हा परिषद प्राथमिक शाळा कुंजीरवाडी, तर पाचवी ते बारावी पर्यंतचे शिक्षण पृथ्वीराज कपूर मेमोरील लोणी काळभोर येथे झाले. त्यानंतर त्याने लोणी काळभोर येथील समाजभूषण गणपतराव काळभोर महाविद्यालयातून इतिहास या विषयात पदवी घेतली. महेशला एक भाऊ आणि एक बहीण आहे. त्याचा भाऊ इलेक्ट्रिकल इंजिनिअर असून बहिणीचे डी फार्मसी शिक्षण झाले आहे.
आर्थिक परिस्थिती बेताची असूनही मोलमजुरी करणाऱ्या भराटे दाम्पत्यानी त्यांच्या तीनही मुलांना उच्च शिक्षण दिले. महेशच्या या यशामुळे थेऊर परिसरात त्याच्या आई-वडिलांवर कौतुकाचा वर्षाव होत आहे. महेशने कोणतीही खासगी शिकवणी न लागता स्व अध्ययन करून यशाला गवसणी घातली आहे. अपयशाला खचून न जाता तिसऱ्या प्रयत्नांत महेशने हे यश संपादन केले आहे.
सुरवातीचे दोन वर्ष वाया गेले. या परीक्षेबाबत काहीच माहीत नव्हते. या स्पर्धा परीक्षेची प्रक्रिया देखील माहीत नव्हती. ही परीक्षा दिलेल्या मित्रांकडून याबाबत उशिरा माहिती मिळाली. त्यानंतर अभ्यासाला सुरुवात केली. स्पर्धा परीक्षेचे मार्गदर्शन करायला कुणीही नव्हते तेव्हा मला माझ्या भावाचे आणि बहिणीचे सहकार्य मला मिळाले. माझ्या यशात आई-वडिलांचा खूप मोठा वाटा आहे.
- महेश भराटे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.