पुणे - भाजपचे नेते राम शिंदे यांना विधानसभेत पराभव स्वीकारावा लागला. मी निवडून आलो हे अनेकजणांना पचत नाही. कर्जत नगर पंचायतीमध्ये जे राजकारण सुरु आहे. मला धक्का देऊन अडचणीत आणण्याचा प्रयत्न केला जात आहे, असा आरोप आमदार रोहित पवार यांनी पुण्यातील पत्रकार परिषदेत केला.
कर्जत नगर पंचायतीच्या अध्यक्षांविरोधात अविश्‍वास ठराव मांडण्याचे पत्र दिले आहे. पण ही बैठक पुढे ढकलण्यात आली. राज्य सरकारने अविश्‍वास ठरावाबाबत नुकताच १५ एप्रिल रोजी अध्यादेश काढला आहे. नवीन अध्यादेशानुसार २१ एप्रिलला बैठक घेणार आहोत. जिल्हाधिकारी आणि प्रांताधिकाऱ्यांना कर्जत शहरात राजकारण केलं जात आहे. हे सरकार कर्जत मध्ये राजकारण करत आहे, पण एमआयडीसीसाठी का काही करत नाही असा सवाल रोहित पवारांनी विचारला.
कर्जतचे पाण्यासह अन्य विकासकामांचे अनेक प्रस्ताव पडून आहेत. त्याच्यासाठी राम शिंदे काही करत नाहीत.न्यायालयात न्याय मिळू नये यासाठी शिंदे प्रयत्न करत आहेत यावरून ते काय पातळीवर कुरघोड्या करत आहेत हे दिसत आहे. राज्यात अनेक प्रश्न असताना एका नगरपरिषदेसाठी एवढी खटाटोप सुरु होती. हे सरकार राजकीय कुरघोड्या करत आहे का ? असा प्रश्न ही पवार यांनी उपस्थित केला.
माझ्या मित्र परिवारला शोधतोय
अजित पवार यांच्या स्वागतासाठी आमदार रोहित पवार मित्र परिवाराने फ्लेक्स लावला असल्याचे फोटो समाज माध्यमावर व्हायरल झाले. त्याची चांगलीच चर्चा रंगली आहे. त्याबाबत रोहित पवार यांनी ‘फ्लेक्स लावणाऱ्या मित्र परिवाराला मी शोधत आहे असा टोलाही लगावला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.