पुणे: पर्यटकांना उत्तम दर्जाच्या सुविधा उपलब्ध व्हाव्यात, तसेच पर्यटनस्थळांचा विकास करण्यासाठी महाराष्ट्र पर्यटन विकास महामंडळाच्या (एमटीडीसी) वतीने मोकळ्या जमिनी आणि मालमत्ता भागीदारी तत्त्वावर (पीपीपी) विकसित करण्यात येणार आहेत. राज्यातील काही पर्यटन स्थळांचा जागतिक मानकांनुसार विकास करण्यात येणार असून, स्थानिक पर्यटन व्यावसायिकांना रोजगार उपलब्ध करून देण्यासाठी एमटीडीसीकडून प्राधान्य देण्यात येणार आहे.
राज्यातील पर्यटन प्रकल्प कार्यान्वित करणे, पर्यटनस्थळांचा विकास, स्थानिक युवकांना रोजगार निर्मिती आणि पर्यटकांना उत्तम दर्जाच्या सुविधा देण्यासाठी एमटीडीसी कार्यरत आहे. एमटीडीसीची पर्यटक निवासे आणि मोकळ्या जागा निसर्गरम्य पर्यटन स्थळांच्या ठिकाणी आहेत. या ठिकाणच्या मोकळ्या जमिनी आणि विकसित केलेल्या मालमत्तांना भागीदारी तत्त्वावर विकसित करण्याचा निर्णय घेण्यात आला आहे. पर्यटन स्थळांच्या विकासासाठी चार तारांकित आणि पंचतारांकित हॉटेल व्यावसायिकांसोबत भागीदारी करण्यात येणार आहे. त्यामुळे पर्यटकांना पर्यटनस्थळी तारांकित दर्जाच्या सुविधा उपलब्ध होणार आहेत.
महाराष्ट्राची लोककला, खाद्यसंस्कृती, निसर्गरम्य समुद्रकिनारे, ऐतिहासिक गड किल्ले, थंड हवेची ठिकाणे आणि निसर्गसंपन्न डोंगररांगा या ठिकाणची पर्यटनस्थळे विकसित करण्यात येणार आहेत. याशिवाय अम्युझमेंट पार्क, साहसी क्रीडा आणि वॉटर पार्क विकसित होतील. त्यामुळे पारंपारिक आणि ऐतिहासिक पर्यटनस्थळांवर पर्यटकांचा ओघ वाढण्यास मदत होणार आहे.
पर्यटन क्षेत्राला उभारी मिळणार
कोरोनामुळे पर्यटन क्षेत्रात आलेली मरगळ कमी होणार असून, पर्यटन क्षेत्र नव्याने उभारी घेणार आहे. पर्यटकांना तारांकित सुविधा उपलब्ध होणार असल्याने स्थानिक व्यावसायिक, टूर ऑपरेटर, ट्रॅव्हल कंपन्या आणि स्थानिक उत्पादनांना नव्याने बाजारपेठ मिळणार आहे.
ही पर्यटनस्थळे विकसित होणार
पहिल्या टप्प्यात पुणे विभागातील माथेरान, महाबळेश्वर, लोणावळा, हरिहरेश्वर, सिंधुदुर्ग जिल्ह्यातील मिठबांव रिसॉर्टसह मोकळी जागा, ताडोबा आणि औरंगाबाद जिल्ह्यातील फर्दापूर येथील मोकळ्या जमिनींचा विकास करण्यात येणार आहे. त्यानंतर इतर पर्यटनस्थळांचीही निवड करण्यात येणार आहे.
''एमटीडीसीच्या सरकारी जमिनी आणि मालमत्तांचा पर्यटनाच्या दृष्टीने विकास करण्यासाठी पीपीपीसह इतर पर्यायांचाही विचार करण्यात येणार आहे. या मालमत्तांचा विकास करण्यासाठी निविदा काढण्यात आल्या आहेत.''
- दीपक हरणे, प्रादेशिक व्यवस्थापक, एमटीडीसी, पुणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
