पुणे : देशातील सर्वांत मोठ्या वाहन वितरक समूहांपैकी एक असलेल्या पीपीएस मोटर्स कंपनीने येथे ‘महिंद्रा’ची दोन नवी दालने सुरू केली आहेत. कात्रज येथील दालनाचे उद्घाटन ‘महिंद्रा’चे राष्ट्रीय विक्रीप्रमुख व उपाध्यक्ष बाणेश्वर बॅनर्जी आणि ‘महिंद्रा’च्या ईव्ही व्यवसायाचे प्रमुख दीपक सिन्हा यांच्या हस्ते झाले. यावेळी दोन्ही कंपन्यांचे वरिष्ठ अधिकारी उपस्थित होते. त्याचबरोबर कंपनीने सासवड येथेही आणखी एक नवे दालन सुरू केले आहे. यामुळे ‘पीपीएस मोटर्स’च्या पुण्यात ‘महिंद्रा’ची सात दालने आणि एक सेवा केंद्र अशी एकूण आठ केंद्रे झाली आहेत.