Pune News : महापालिकेतील ६०० जणांना पदोन्नती

पुणे - महापालिकेच्या विविध विभागांमध्ये कार्यरत असणाऱ्या २९ अधिकाऱ्यांसह सुमारे ६०० अधिकारी व कर्मचाऱ्यांना पदोन्नतीचे आदेश देण्यात आले, तर अनुकंपा तत्त्वानुसार व लाडे पागे समितीच्या शिफारशीनुसार ६३२ कर्मचाऱ्यांच्या वारसांचीही नियुक्तीही करण्यात आली. .महापालिकेचे आयुक्त नवल किशोर राम, अतिरिक्त आयुक्त पवनीत कौर यांच्या उपस्थितीमध्ये पदोन्नती समितीची बैठक झाली. त्यामध्ये महापालिका आयुक्तांनी २०२५-२६ या वर्षातील पदोन्नतीचा सविस्तर आढावा मांडला. महापालिकेचा मुद्रणालय, नगरसचिव व अभियंता यांच्या संवर्गातील पदोन्नतीचे आदेश देण्याबरोबरच अनुकंपाअंतर्गत व लाड पागे समितीच्या शिफारशीनुसार काही वारसांना नियुक्तीचे आज्ञापत्र देण्यात आले..पदोन्नतीमध्ये वर्ग १ मध्ये २९, वर्ग २ मध्ये १५६ तर वर्ग ३ मध्ये ४१५ अशा एकूण ६०० जणांना पदोन्नतीचे आदेश देण्यात आले. लाड पागे समितीच्या शिफारशीनुसार ५६२ जणांची नियुक्ती करण्यात आली, तर अनुकंपा तत्त्वानुसार ७० वारसांना नियुक्ती देण्यात आली. आयुक्त नवल किशोर राम म्हणाले, ‘पदोन्नती प्रक्रिया व अनुकंपा तत्त्वावरील नियुक्त्या पारदर्शक पद्धतीने करण्यात आल्या आहेत..कर्मचाऱ्यांच्या कार्याचा योग्य गौरव करणे आणि प्रशासकीय कार्यक्षमता वाढविण्यास महापालिका प्राधान्य देत आहे. सर्व कर्मचाऱ्यांनी महापालिकेच्या प्रगतीसाठी उत्साहात योगदान द्यावे.’ अनुकंपा तत्त्वावरील व लाड पागे समितीच्या शिफारशीनुसार नोकरी प्राप्त झाल्यामुळे संबंधित कर्मचाऱ्यांच्या कुटुंबीयांकडून या वेळी आनंद व्यक्त करण्यात आला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.