पुणे - पुणे महापालिकेचा मिळकतकर भरण्यास पुणेकरांनी भरभरून प्रतिसाद दिला असून, आर्थिक वर्ष सुरू झाल्यानंतर पहिल्या ५८ दिवसात तब्बल १००१ कोटी रुपये महापालिकेच्या तिजोरीत भरले आहेत. त्यामुळे महापालिकेला मोठा आर्थिक आधार मिळाला आहे. .महापालिकेकडून १ एप्रिल ते ३१ मे या कालावधीत कर भरणाऱ्या नागरिकांना प्रोत्साहन देण्यासाठी सर्वसाधारण करामध्ये पाच ते १० टक्के सवलत दिली जाते. यामध्ये २५ हजार रुपयांपेक्षा कमी कर असल्यास १० टक्के आणि २५ हजारापेक्षा जास्त कर असेल तर पाच टक्के सवलत दिली जाते. पुणेकरांकडून दरवर्षी या योजनेस प्रचंड प्रतिसाद मिळतो. मात्र, मुदतीनंतर पैसे भरणाऱ्या नागरिकांना दंडात्मक कारवाईला सामोरे जावे लागते..गेल्या वर्षी मिळकतकर पाठविण्यास उशीर झाल्याने ५ ते १० टक्के सवलतीची योजना एक मे ते ३० जून या कालावधीत राबविण्यात आली होती. त्यामुळे गेल्यावर्षी २८ मेपर्यंत ४५५ कोटी ८५ लाख रुपये महापालिकेकडे जमा झाले होते. तर यावर्षी १ एप्रिल ते ३१ मे अशी मुदत आहे. यामध्ये २८ मे पर्यंत १००१ कोटी रुपयांचा टप्पा गाठला आहे. या योजनेची मुदत आणखी तीन दिवस आहे. त्यामुळे पुढील तीन दिवसात किमान २५० कोटी ते ३०० कोटी रुपये महापालिकेच्या तिजोरीत जमा होण्याची शक्यता आहे..सुट्टीच्या दिवशी नागरी सुविधा केंद्र सुरूमहापालिकेचा मिळकतकर भरण्यासाठी सुमारे ७२ टक्के नागरिक हे ऑनलाइन पद्धतीचा वापर करतात. पण ज्यांना ऑनलाइन कर भरणे शक्य नाही अशा नागरिकांसाठी नागरी सुविधा केंद्रामध्ये जाऊन पैसे भरतात. त्यांच्या सोईसाठी शनिवारी आणि रविवारी नागरी सुविधा केंद्र सकाळी १० ते सायंकाळी ६ पर्यंत सुरू राहणार आहेत, अशी माहिती उपायुक्त रवी पवार यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
