शिवाजीनगर : उत्तर प्रदेशातील लखीमपूर खेरी जिल्ह्यात केंद्रीय गृहराज्यमंत्री अजय मिश्रा यांच्या मुलाच्या कारखाली दोन शेतकरी चिरडून मरण पावण्याची घटना रविवारी घडली. या नंतर झालेल्या हिंसाचारात ९ जण ठार तर शेकडो जखमी झाले. या घटनेचा निषेध म्हणून राष्ट्रवादी काँग्रेस, कॉंग्रेस पक्षाच्या वतीने स्व.वसंतराव नाईक यांच्या पुतळ्यासमोर , कृषी महाविद्यालय चौक, शिवाजीनगर येथे आंदोलन करण्यात आले.
स्व.वसंतराव नाईक यांच्या पुतळ्यास पुष्पहार अर्पण शेकडो पदाधिकारी व कार्यकर्त्यांनी आंदोलन केले. यावेळी बलिदान व्यर्थ ना जाने देंगे, किसान तेरे हक से लढेंगे. धिक्कार असो धिक्कार असो खुणी भाजपचा धिक्कार असो. चले जाव चले जाव, खुनी भाजपा चले जाव अशा घोषणा देण्यात आल्या. यावेळी माजी न्यायमूर्ती बी.जी. कोळसे- पाटील, कॉंग्रेसचे शहराध्यक्ष रमेश बागवे, राष्ट्रवादी काँग्रेस पक्षाचे शहराध्यक्ष प्रशांत जगताप, उपाध्यक्ष महाराष्ट्र प्रदेश काँग्रेस मोहन जोशी, राष्ट्रवादी काँग्रेस पक्षाचे प्रवक्ता प्रदीप देशमुख, मार्क्सवादी कम्युनिस्ट पक्षाचे जेष्ठ नेते अजित अभ्यंकर, शेतकरी कृषी बचाव समितीचे निमंत्रक नितीन पवार, डॉ.किशोर खिलारे,अभय छाजेड,कमल व्यवहारे, उदय महाले, महेश हांडे, अनिता पवार आदी उपस्थित होते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.