परीक्षेबाबत शिक्षकेत्तर कर्मचाऱ्यांची बैठक आंदोलकांनी हाणून पडली

पुणे - सावित्रीबाई फुले पुणे विद्यापीठात अंतिम वर्षाच्या परीक्षांच्या नियोजनासंदर्भात संबंधित अधिकाऱ्यांची बैठक दुपारी सुरू होती. मात्र विद्यापीठात शिक्षकेत्तर कर्मचाऱ्यांचे बेमुदत काम बंद आंदोलन सुरू असताना देखील सुरू असलेली ही बैठक आंदोलकांनी हाणून पडली.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

विद्यापीठामार्फत घेण्यात येणाऱ्या अंतिम वर्षाच्या परीक्षेच्या नियोजनाबाबत सध्या विविध स्तरावर बैठका सुरू आहेत. त्याचाच एक भाग म्हणून परीक्षा मंडळाचे संचालक डॉ. महेश काकडे यांच्या उपस्थितीत विद्यापीठाच्या अतिथी गृहात गुरूवारी दुपारी बैठक सुरू होती आणि त्यात अधिकारी आणि काही शिक्षकेत्तर कर्मचारी सहभागी झाले होते. हे कळताच आंदोलकांपैकी ४०-५० जणांनी बैठकीच्या ठिकाणी मोर्चा वळविला. बेमुदत काम बंद आंदोलन सुरू असताना बैठक का घेतली, असेही संबंधित अधिकाऱ्यांना विचारण्यात आले. तसेच ताबोडतोब बैठक बंद करण्याची मागणी यावेळी करण्यात आली.

हाजीर हो! बडतर्फ पोलिस जगतापसह चौघांना कोर्टाचे आदेश

दरम्यान परिसरात गोंधळाचे वातावरण निर्माण झाले. याबाबत संबंधित अधिकाऱ्यांशी चर्चा करून बैठक बंद पाडल्याची माहिती पुणे विद्यापीठ शिक्षकेतर सेवक कृती समितीचे सहचिटणीस शिवाजी उत्तेकर यांनी दिली. तर याबाबत विद्यापीठाची बाजू जाणून घेण्यासाठी डॉ. काकडे यांच्याशी संपर्क साधला असता ते म्हणाले,"विद्यापीठातर्फे घेण्यात येणाऱ्या अंतिम वर्षाच्या परीक्षेबाबत सेवा पुरवठादारांसमवेत बैठक होती. ही बैठक सुरळीत झाली. शिक्षकेत्तर कर्मचाऱ्यांचे आंदोलन सुरू असताना फक्त बैठकीत त्यांना सहभागी करून घेऊ नये, असे आंदोलकांचे म्हणणे होते."

Edited By - Prashant Patil