Pune Shocking crime Incidents
esakal
पुणे शहर… रोज नवी स्वप्नं पाहणारे लाखो चेहेरे, शांत रस्ते, सुरक्षिततेची भावना, आणि जगभरातून येणाऱ्या तरुणाईची धावपळ. पण २०२५ हे वर्ष या शहरासाठी एखाद्या भयकथेसारखं ठरलं. गुन्हे, गँगवार, रस्त्यावरचे हल्ले, बलात्कार, घरगुती हिंसा आणि माणुसकीला काळिमा फासणाऱ्या १५ घटनांच्या मालिकेने हे शहर जणू हादरतच राहिलं. रात्रीच्या अंधारातच नव्हे, तर दिवसाढवळ्या सार्वजनिक ठिकाणी, सोसायट्यांमध्ये, रस्त्यावर, अगदी बस आणि पार्किंगमध्येही अपराध्यांनी दहशत माजवली. प्रत्येक घटनेनंतर पुणेकरांच्या अंगावर काटा उभा राहिला आणि प्रशासनापुढे सुरक्षेचे मोठे प्रश्न उभे राहिले. गुन्हेगारीचं वाढतं प्रमाण, पोलिसांवरील ताण, नागरिकांमधील असुरक्षितता आणि सोशल मीडियावर व्हायरल झालेल्या व्हिडिओंमुळे शहरात घबराट तयार झाली.