पुणे : डिझेलची दरवाढ, टायर, बॅटरी, स्पेअर पार्ट्स, टोल व करांमध्ये झालेली वाढ यामुळे बस आणि कारच्या भाडेदरात १२ ते १५ टक्क्यांपर्यंत वाढ करण्यात आली आहे, अशी माहिती पुणे बस अँड कार ओनर्स असोसिएशनचे अध्यक्ष राजन जुनवणे यांनी शुक्रवारी पत्रकार परिषदेत दिली.
असोसिएशनची राज्यव्यापी अधिवेशन आणि वार्षिक सर्वसाधारण सभा शुक्रवारी झाली. त्यानंतर पत्रकार परिषद घेत असोसिएशनच्या पदाधिकाऱ्यांनी ही माहिती दिली. असोसिएशनचे सचिव तुषार जगताप, खजिनदार दिनेश सोनवणे, कार्याध्यक्ष किरण देसाई, सल्लागार अनंत पुराणिक, जिल्हा शालेय सुरक्षा समितीचे सचिन पंचमुख यांच्यासह ५०० ते ६०० बस आणि कार मालक या अधिवेशनासाठी उपस्थित होते.
जुनवणे यांनी सांगितले, पुण्यात छोट्या-मोठ्या अशा जवळपास १६ हजार बसेस असून, १००० पेक्षा अधिक बस व कारमालक असोसिएशनचे सभासद आहेत. कोरोना काळात जवळपास १९ महिने गाड्या जागेवर उभ्या होत्या. त्यामुळे व्यवसाय आधीच डबघाईला आलेला असताना, त्यात डिझेल, टायर, बॅटरी आणि स्पेअर पार्ट्स यासारख्या आवश्यक वस्तूंच्या किमती २५ ते ३० टक्क्यांनी वाढल्या आहेत. परिणामी, गाड्यांची देखभाल व दुरुस्ती करणे जिकिरीचे होत आहे. त्यामुळे आज झालेल्या वार्षिक सर्वसाधारण सभेत ही दरवाढ करण्याचा निर्णय घेण्यात आला.
कोरोना काळात १३ सीटर ते ४९ सीटर बस, स्कूल बस, व्होल्वो, इंटरसिटी बसेस, कार सगळ्यांनाच मोठा फटका बसला आहे. राज्य शासनाने किंवा परिवहन विभागाने याची कसलीही दखल घेतलेली नाही. अनेक गाड्यांवर बँकांची, फायनान्स कंपन्यांची कर्जे आहेत. त्याचे हप्ते फेडणे अवघड झालेले आहे. त्यामुळे भाडेवाढ करण्यात येत आहे, असे देसाई म्हणाले.
बस व कारमालकांसाठी सुरक्षाबंधन :
असोसिएशनच्या वतीने यावेळी सुरक्षाबंधन या विशेष कार्यक्रमांचे आयोजन करण्यात आले होते. वाहतूक पोलिस उपायुक्त राहुल श्रीरामे, बस अँड कार ऑपरेटर्स कॉन्फेडरेशन ऑफ इंडियाचे अध्यक्ष
प्रसन्न पटवर्धन यांनी त्यात मार्गदर्शन केले.
अशी आहे प्रस्तावित बस भाडेवाढ :
बस/गाडीचा प्रकार - कि.मी. प्रमाणे दर (नॉन-एसी) - कि.मी. दर (एसी)
१३ सीटर - लागू नाही - २४ रुपये
१७ सीटर - २३ रुपये - २८ रुपये
२० सीटर - २५ रुपये - ३० रुपये
२७ सीटर - लागू नाही - ५० रुपये
३२ सीटर - ३३ रुपये - लागू नाही
३५ सीटर - ३६ रुपये - ५२ रुपये
४१ सीटर - ४१ रुपये - ६० रुपये
४५ सीटर - ४७ रुपये - ६५ रुपये
व्होल्वो - लागू नाही - ९० रुपये
४९ सीटर - ४५ रुपये - लागू नाही
५३ (मल्टी) - लागू नाही - ११० रुपये
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
