सोशल मीडियावर व्हायरल झालेल्या एका व्हिडिओमुळे पुण्यातील एफसी रोडवरील सर्वात प्रसिद्ध कॅफे 'कॅफे गुडलक'च्या अडचणी वाढल्या आहेत. व्हायरल व्हिडिओमध्ये कॅफेच्या लोकप्रिय बन मस्कामध्ये काचेचे तुकडे आढळून आल्याचे दिसून आले. त्यानंतर अन्न आणि औषध प्रशासनाने (एफडीए) कॅफेची तपासणी केली आणि अन्न परवाना रद्द केला. त्यांनी दावा केला की कॅफेमध्ये अन्न सुरक्षा नियमांचे पालन केले जात नाही. यानंतर कॅफे बंद ठेवण्यात आला आहे.