

Unique Valentine Celebration in Pune: Helicopter Joyride Brings Smiles
Sakal
पुणे : वेळ सकाळची, हेलिपॅडवर वेगळीच लगबग होती. जीवनाचा नवा प्रवास एकमेकांच्या सोबतीने पूर्ण करण्याच्या आणाभाकांना आज खरेखुरे ‘क्षितीज’ खुणावत होते. कोणाला आयुष्यातील मोरपंखी आठवणींनी साद घातली, तर कोणाला भविष्याकडे झेपविण्यासाठी नवे ‘पंख’ लाभले. निमित्त होते ‘व्हॅलेंटाइन डे’ दिवशी आयोजित केलेल्या ‘हेलिकॉप्टर जॉय राइड’चे. आपल्या प्रिय व्यक्तीच्या आनंदासाठी प्रेमाच्या अवकाशात घेतलेली स्नेहीजनांची ‘भरारी’ ही मर्मबंधातील ठेव ठरली.