Pune Corona Update: दिवसभरात आढळले कमी रुग्ण; एक बळी म्युकरमायकॉसिसने | Sakal
sakal

बोलून बातमी शोधा

Pune Corona Update: दिवसभरात आढळले कमी रुग्ण; एक बळी म्युकरमायकॉसिसने

Pune Corona Update: दिवसभरात आढळले कमी रुग्ण; एक बळी म्युकरमायकॉसिसने

पुणे : शहरात आज नव्याने १ हजार ९३१ कोरोनाबाधित रुग्णांची नोंद झाली असून पुणे शहरातील एकूण संख्या आता ४ लाख ५२ हजार ६४ इतकी झाली आहे. कालच्या पेक्षा आज कोरोनाबाधितांची संख्या कमी झाली आहे. पुणे महापालिका हद्दीत नव्याने ५२ कोरोनाबाधित रुग्णांच्या मृत्यूची नोंद झाली आहे. आजच्या नव्या संख्येसह मृतांची एकूण संख्या ७ हजार ५१३ इतकी झाली आहे. पुणे शहरात उपचार घेणाऱ्या २७ हजार १४ रुग्णांपैकी १,३९५ रुग्ण गंभीर तर ६,५०७ रुग्ण ऑक्सिजनद्वारे उपचार घेत आहेत. पुणे शहरात आज एकाच दिवसात १३ हजार ९८१ नमुने घेण्यात आले आहेत. पुणे शहराची एकूण टेस्ट संख्या आता २३ लाख १३ हजार ५६४ इतकी झाली आहे. शहरातील ४ हजार ५६७ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या ४ लाख १७ हजार ५३७ झाली आहे.

हेही वाचा: काल कौतुक आज पोलखोल; न्यायालयाच्या चाचणीत पुणे महापालिका फेल

१८ ते ४४ वयोगटातील नागरिकांच्या लसीकरणाला स्थगिती

राज्य शासनाच्या निर्देशानुसार पुणे महानगरपालिका हद्दीतही १८ ते ४४ वयोगटातील नागरिकांचे लसीकरण स्थगित करण्यात आले असून उद्यापासून आपल्याकडे या वयोगटासाठी लसीकरण होणार नाही. पुणेकर नागरिकांनी नोंद घ्यावी

म्युकरमायकॉसीसमुळे पुण्यात एकाचा मृत्यू

म्युकरमायकॉसीस या बुरशीजन्य आजारामुळे शहरात ४४ वर्ष वयाच्या पुरूषाचा मृत्यू झाला आहे. कोरोनानतर रोगप्रतिकार शक्ती अत्यन्त कमी झालेल्या आणि सहव्याधी (कोमॉर्बेडीटी) असलेल्या निवडक रूग्णांमध्ये हा आजार दिसू शकतो. गेल्या काही दिवसांत अशा रूग्णांच्या संख्येत वाढ झाल्याचे पहायला मिळत आहे.

Web Title: Pune Corona Update Fewer Patients Found Throughout The

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune Corona Update
go to top