पुण्यात इलेक्ट्रॉनिक मार्केटवर पोलिसांचा छापा; २ कोटींच्या बनावट वायर केल्या जप्त

पुणे : नामांकित तसेच परवाना रद्द केलेल्या कंपन्यांच्या नावाने बनावट इलेक्ट्रिक वायर विकणाऱ्या बुधवार पेठेतील इलेक्ट्रॉनिक मार्केटमधील आणखी एका व्यावसायिकावर गुन्हे शाखेच्या पोलिसांनी कारवाई केली आहे. त्याकडून दोन कोटी रुपयांच्या बनावट वायर जप्त करण्यात आल्या आहेत. या वायर विकणारा रमेशकुमार आनंदलाल सुथार (वय ४३, रा. घोरपडी पेठ) याला अटक करण्यात आली आहे.

- झेरॉक्सचे पैसे दिले नाही म्हणून अ‍ॅड. असीम सरोदेंनी EDला पाठवली नोटीस!​

तापकीर गल्लीत असलेल्या सुथार याच्या भगवती इलेक्ट्रानिकवर पोलिसांनी छापा टाकला. त्यावेळी त्यांच्या गोडाऊनमध्ये वेगवेगळ्या कंपन्यांचे नाव असलेले पॅकिंग तसेच सुटे वायर बंडल, पॅकिंगसाठी लागणारे रिकामे बॉक्स आणि इतर साहित्य मिळून आले. तसेच अनेक कंपन्यांच्या बनावट वायर देखील पोलिसांनी जप्त केल्या. या सर्व मुद्देमालाची किंमत दोन कोटी रुपये आहे.

- 'आंदोलनजिवी' हा शब्द म्हणजे हुतात्म्यांना दिलेली शिवी!

दरम्यान बनावट वायर तयार करणारे बनविणारे आणि ती विक्रीसाठी मागविणाऱ्यांमधील महत्त्वाचा दुवा असलेल्या वाहतूकदारास फरासखाना पोलिसांनी यापूर्वी अटक केली आहे. बनावट वायर तयार करून त्याची विक्री करण्याचे सत्र गेल्या चार वर्षांपासून शहरात सुरू होते, असे पोलिस तपासातून समोर आले आहे.

या प्रकरणात यापूर्वी दिनेशसिंग राजपुरोहित यांच्यावर कारवाई करीत ४३ लाख रुपयांच्या वायर जप्त करण्यात आल्या आहेत. पोलिस निरीक्षक रजनीश निर्मल, सहायक पोलिस निरीक्षक संदीप जमदाडे, पोलिस उपनिरीक्षक जयदीप पाटील, पोलिस अंमलदार महेंद्र पवार, सचिन ढवळे, प्रवीण भालचिम, रमेश राठोड आणि शीतल शिंदे यांनी ही कारवाई केली.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)