Pune Crime : २२ लाखांच्या फसवणूकप्रकरणी पाचजणांविरुध्द गुन्हा

पुणे - जमीन खरेदीखत करून ताबा देतो, असे सांगून २२ लाख रूपये घेऊनही जमिनीचा ताबा न देता आर्थिक फसवणूक केल्याप्रकरणी लोणीकंद पोलिसांनी पाचजणांविरूध्द गुन्हा दाखल केला आहे.

याबाबत दीपक शिवाजी खलसे (वय ३०, रा. कुसमाडे वस्ती, कळसगाव, विश्रांतवाडी) यांनी फिर्याद दिली आहे. त्यावरून नितीन गोते, रोहित गोरक्ष गोते, तुषार खेडेकर, राहुल मोरबाळे आणि मिथुन हरगुडे यांच्याविरुद्ध गुन्हा दाखल करण्यात आला आहे.

पोलिसांनी दिलेल्या माहितीनुसार, आरोपींनी आपसांत संगनमत करून दीपक खलसे आणि इतर लोकांना जमीन खरेदीखत करून ताबा देतो, असे सांगून त्यांच्याकडून २२ लाख ११ हजार रूपये घेतले. परंतु फिर्यादी खलसे आणि इतरांना जमिनीचा ताबा न देता आर्थिक फसवणूक केली, अशी तक्रार दिली.