पुणे - गे डेटिंग अॅपच्या माध्यमातून मैत्री करून एका तरुणाला निर्जन ठिकाणी बोलावून बेदम मारहाण करत लुटल्याची घटना येरवडा परिसरात घडली..याप्रकरणी संबंधित तरुणाने (वय-२२, रा. भोसरी) विश्रांतवाडी पोलिस ठाण्यात फिर्याद दिली आहे. त्यानुसार पोलिसांनी देवेंद्र, अरबाज आणि त्यांच्या एका साथीदाराविरोधात गुरुवारी (ता. १) गुन्हा दाखल केला आहे. तक्रारदार तरुणाला एका मुलाने डेटिंग अॅपवरून भेटण्यासाठी मेंटल हॉस्पिटल कॉर्नर येथे बोलावले. फिर्यादी तरुण तेथे पोहोचल्यानंतर आरोपींनी त्यांना पडक्या वसाहतीतील खोलीत नेले..त्या ठिकाणी तिघांनी फिर्यादी तरुणाला शिवीगाळ करत जबर मारहाण केली. त्यानंतर धमकावून त्याच्या मोबाइलमधील ‘फोन पे’चा पासवर्ड मिळवून बँक खात्यातून २० हजार रुपये काढून घेतले. या प्रकाराची वाच्यता पोलिसांत केल्यास जिवे मारण्याची धमकी आरोपींनी दिली. विश्रांतवाडी पोलिस पुढील तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
