पुणे : वधू-वर सूचक मंडळात नाव नोंदवल्यानं मुलाने केली वडिलांची हत्या | Sakal
sakal

बोलून बातमी शोधा

crime
लग्नाच्या विचारानं पडला रक्ताचा सडा; पोरानेच केली बापाची हत्या | Pune

पुणे : वधू-वर सूचक मंडळात नाव नोंदवल्यानं मुलाने केली वडिलांची हत्या

राजगुरूनगर : वडिलांनी वृद्धापकाळात स्वतःच्या लग्नासाठी वधू-वर सूचक मंडळात नाव नोंदविल्याचा राग आल्यामुळे मुलाने वडिलांचा खून(murder case) केल्याची घटना येथे काल ( ६ जानेवारी ) संध्याकाळी घडली. शंकर रामभाऊ बो-हाडे, ( वय- ८० वर्षे. रा. - नंदादीप हौसिंग सोसायटी, बी विंग, फलॅट नंबर ९, वैशंपायन आळी, राजगुरूनगर, ता. खेड ) असे मृताचे नाव आहे. तर शेखर ( वय ४७ ) असे खून करणाऱ्या संशयित आरोपी मुलाचे नाव आहे. पोलिसांनी दिलेल्या माहितीनुसार, शेखर बोऱ्हाडे याचा पंचायत समिती चौकात दूध आणि पॅकेजिंग खाद्यपदार्थ विकण्याचा व्यवसाय आहे.

हेही वाचा: ओमिक्रॉनविरुद्ध हवी सजगतेची लढाई

त्याचे वडील शंकर बोऱ्हाडे यांनी वधू-वर सूचक मंडळात नाव नोंदविले आणि ते त्याच्यापासून लपवून ठेवले, हे समजल्यावर शेखर याचा राग अनावर झाला. त्याने राहत्या सदनिकेत, स्वयंपाक घरातील सुरीने त्यांचा गळा चिरण्याचा प्रयत्न केला. पण सुरीने गळा चिरला गेला नाही, म्हणून सुरीला वारंवार धार लावून गळा चिरण्याचा प्रयत्न केला. त्यानंतर वरवंट्याने तोंडावर आणि डोक्यात घाव घालून त्यांचा खून केला. त्याने स्वतःच या गुन्ह्याची कबुली देऊन फिर्याद दिली. पोलिसांनी त्याला अटक केली असून पोलीस निरीक्षक सतीश गुरव अधिक तपास करीत आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune Newscrimemurder case
loading image
go to top