पुणे : टायर विक्री करणाऱ्या दुकानांचे दरवाजे उचकटून टायर चोरणाऱ्या सराईत चोरट्याला काळेपडळ पोलिसांनी अटक केली. परवेझ लियाकत काझी (वय ४५, रा. सय्यदनगर, हडपसर) असे अटक करण्यात आलेल्या आरोपीचे नाव आहे. त्याच्याकडून तीन लाख ५३ हजार रुपयांचे टायर जप्त करण्यात आले आहेत.
काझी याने हडपसरमधील काळेपडळ, लष्कर आणि भारती विद्यापीठ पोलिस ठाण्यांच्या हद्दीत टायर विक्री करणाऱ्या दुकानांमध्ये चोरी केल्याचे तपासात समोर आले आहे. विशेष म्हणजे, तो रात्रीच्या वेळेस दुकाने बंद असताना दरवाजा उचकटून टायर चोरून रिक्षात टाकून पसार होत असे.
या चोरी प्रकरणाचा तपास काळेपडळ पोलिस करत होते. पोलिस अंमलदार महादेव शिंदे आणि लक्ष्मण काळे यांनी परिसरातील सीसीटीव्ही चित्रीकरण तपासून आरोपीचा माग काढला. पोलिसांनी काळेपडळ परिसरात सापळा रचून काझीला ताब्यात घेतले. ही कारवाई वरिष्ठ पोलिस निरीक्षक मानसिंग पाटील यांच्या मार्गदर्शनाखाली सहाय्यक निरीक्षक अमित शेटे, प्रवीण काळभोर, दाऊद सय्यद, प्रतीक लाहिगुडे, श्रीकृष्ण खोकले, विशाल ठोंबरे, शाहीद शेख, लक्ष्मण काळे, नितीन शिंदे, अतुल पंधरकर, नितीन ढोले आणि सद्दाम तांबोळी यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.