पुणे : गणेश मूर्ती खरेदीच्या बहाण्याने चोरट्यांनी विक्री स्टॉलमधील रॅकमधून दोन लाखांची रोकड लंपास केली. ही घटना वारजे परिसरातील गणेश मूर्ती स्टॉलमध्ये २७ ऑगस्ट रोजी घडली. .पोलिसांनी दिलेल्या माहितीनुसार, कोथरूड वेदभवन परिसरातील एका गणेश मूर्ती विक्रेत्याने वारजे परिसरात हॉटेल चिलापीजवळ विक्री स्टॉल उभारला होता. मूर्ती विक्रीतून जमा झालेले पैसे त्यांनी रॅकमध्ये एका पिशवीत ठेवले होते. .२७ ऑगस्ट रोजी दुपारी चार वाजण्याच्या सुमारास तिघेजण मूर्ती खरेदीच्या बहाण्याने स्टॉलमध्ये आले. गर्दीचा फायदा घेत चोरट्यांनी दोन लाख रुपयांची रोकड लांबविली. गणेशोत्सव संपल्यानंतर मूर्ती विक्रेत्याने मंगळवारी (ता. ९) वारजे पोलिस ठाण्यात फिर्याद दिली. .त्यानुसार तिघांविरुद्ध गुन्हा दाखल करण्यात आला आहे. पुढील तपास पोलिस उपनिरीक्षक संजय नरळे करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
