Pune Crime : पाटस-दरोडयाच्या तयारीतील रेकाॅर्ड वरील टोळी जेरबंद

पाटस : पाटस (ता.दौंड) येथे दरोडयाच्या तयारीत असणाऱ्या रेकाॅर्ड वरील टोळीला जेरबंद करण्यात यवत पोलिसांना यश आले. संबधीत आरोपींकडुन गावठी पिस्टल, काडतुस, कोयता, कटावणी, चार चाकी वाहन असा एकुण ४ लाख ४९ हजार रुपयांचा माल जप्त करण्यात आला.

दत्ता अशोक शिंदे रा.राहू ता.दौंड जि.पुणे,सचिन लक्ष्मण भोसले रा. आष्टी जि.बीड,सचिन बेलदार रा.येवला जि.नाशिक,मल्हार अडागळे रा.रवळगाव ता.कर्जत,जि.नगर अशी अटक करण्यात आलेल्या आरोपींची नावे आहेत. तर मामा उर्फे रिकेबी रा.कुर्डुवाडी ता.माढा जि.सोलापुर असे फरार आरोपीचे नाव आहे.

याबाबत यवत पोलिस ठाण्याचे पोलिस निरीक्षक हेमंत शेडगे यांनी माहीती दिली.पाटस येथील कारखाना चौकातील गाव तलावाच्या लगत रात्रीच्या सुमारास अज्ञात व्यक्ती अनुचित प्रकाराच्या तयारीत असल्याची पोलिसांना माहीती मिळाली.त्या अनुषंगाने यवत पोलिस व पाटस पोलिस पथकाने त्याठिकाणी धाव घेतली.पोलिसांनी आरोपींना काही समजण्या अगोदर अंधारात मोठया शिताफिने पडकले. मात्र,एकजण पळुन जाण्यास यशस्वी झाला.

पोलिसांनी सबंधीत व्यक्तींची तपासणी केली असता.त्यांच्याकडे एक पिस्टल, काडतुस, कटावणी, कोयता,चारचाकी वाहन आदी मिळुन आले. प्राथमिक चौकशीत संबधीत आरोपी हे दरोडयाच्या तयारीत असल्याचे समजले.आधिक चौकशीत हे पोलिस रेकाॅर्ड वरील गुन्हेगार असल्याचेही समोर आहे.

त्यांनी यवत,शिरुर,मिरजगाव आदी पोलिस ठाण्याच्या हद्दी त विजेचे रोहीत्र चोरीचे गुन्हे केल्याचे कबुल केले.आरोपींकडे सखोल तपासात अजुन गुन्हे केल्याचे उघडकीस येणार आहे.अशी माहीती पोलिस निरिक्षक शेडगे यांनी दिली.

सदरची कामगीरी यवत पोलिस ठाण्याचे पोलिस निरिक्षक हेमंत शेडगे,पोलिस उपनिरीक्षक संजय नागरगोजे,पोलिस उपनिरीक्षक मिरा मटाले,पोलिस हवालदार संजय देवकाते,निलेश कदम,गुरुनाथ गायकवाड,अक्षय यादव,रामदास जगताप,प्रमोद गायकवाड,महेंद्र चांदणे,समीर भालेकराव,राजीव शिंदे,मारुती बाराते आदी पोलिस पथकाने केली.