The Samanvay portal helps investigators trace mule accounts and suspicious banking transactions across multiple states.
पुणे : केंद्र सरकारच्या ‘समन्वय’ पोर्टलवरील मनी ट्रेल विश्लेषणातून पुणे शहरात सायबर फसवणुकीशी संबंधित पाच गुन्हे उघडकीस आले आहेत. आरोपींनी स्वतःच्या नावाने विविध बँकांमध्ये खाती उघडून देशभरातील सायबर फसवणुकीतून आलेली रक्कम स्वीकारत ती पुढे अन्य खात्यांमध्ये वर्ग केल्याचे तपासात निष्पन्न झाले आहे. या प्रकरणांमध्ये देशातील सात नागरिकांची एकूण तीन कोटी ६० लाख ५२ हजार रुपयांची फसवणूक झाल्याचे समोर आले असून, पाच गुन्हे शहरातील विविध पोलिस ठाण्यांत दाखल करण्यात आले आहेत.
