पुणे : कोरोनामुक्तांच्या तुलनेत आज नवीन रुग्णांची संख्या दुपटीहून जास्त | Corona Updates | Sakal
sakal

बोलून बातमी शोधा

corona update
पुणे : कोरोनामुक्तांच्या तुलनेत आज नवीन रुग्णांची संख्या दुपटीहून जास्त

पुणे : कोरोनामुक्तांच्या तुलनेत आज नवीन रुग्णांची संख्या दुपटीहून जास्त

पुणे : पुणे जिल्ह्यात सोमवारी (ता.३) दिवसभरात कोरोनामुक्तांच्या तुलनेत नवीन कोरोना रुग्णांची संख्या दुपटीहून जास्त झाली आहे. मागील चार दिवसांपासून हीच स्थिती कायम आहे. यामुळे सक्रिय कोरोना रुग्णांची संख्या झपाट्याने वाढू लागली आहे. या संख्या वाढीमुळे पुणेकरांनी घाबरून जाऊ नये, पण अधिक काळजी घेणे आणि कोरोना प्रतिबंधात्मक नियमांचे काटेकोरपणे पालन करणे आवश्‍यक असल्याचे मत वैद्यकीय क्षेत्रातील तज्ज्ञांनी व्यक्त केले आहे. (Pune District Corona Updates)

सोमवारी दिवसात जिल्ह्यात ७२७ नवीन कोरोना रुग्ण आढळून आले आहेत. याउलट ३३१ जण कोरोनामुक्त झाले आहेत. अन्य दोन रुग्णांचा कोरोनाने मृत्यू झाला आहे. जिल्ह्यातील दिवसातील एकूण नवीन कोरोना रुग्णांमध्ये पुणे शहरातील सर्वाधिक ४४४ रुग्णांचा समावेश आहे. दिवसभरात पिंपरी चिंचवडमध्ये १४९, जिल्हा परिषद कार्यक्षेत्रात ८७, नगरपालिका हद्दीत ३७ आणि कॅंटोन्मेंट बोर्ड क्षेत्रात १० नवे रुग्ण आढळून आले आहेत.

हेही वाचा: सीमाप्रश्नी तातडीने उच्चाधिकार समितीची बैठक बोलवावी; एकीकरण समिती

दिवसातील एकूण कोरोनामुक्तांमध्ये पिंपरी चिंचवडमधील सर्वाधिक १३३ जण आहेत. पुणे शहरातील १२०, जिल्हा परिषद कार्यक्षेत्रातील ५५, नगरपालिका हद्दीतील १० आणि कॅंटोन्मेंट बोर्ड क्षेत्रातील १३ जण कोरोनामुक्त झाले आहेत. सद्यःस्थितीत जिल्ह्यात ४ हजार २०२ सक्रिय कोरोना रुग्ण आहेत. यापैकी शहर व जिल्ह्यातील विविध रुग्णालयात ६७८ जणांवर उपचार सुरु आहेत. उर्वरित ३ हजार ५२४ जण गृह विलगीकरणात आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top