Pune News : शिवाजीनगर न्यायालयाच्या इमारतीवरून उडी मारून ज्येष्ठाचा जीवन संपवण्याचा प्रयत्न; प्रकृती चिंताजनक

पुणे : शिवाजीनगर येथील न्यायालयाच्या नवीन इमारतीवरून एका ज्येष्ठाने खाली उडी मारून आत्महत्येचा प्रयत्न केल्याची धक्कादायक घटना बुधवारी (ता. १५) दुपारी घडली. या घटनेत ते गंभीर जखमी झाले असून, सध्या बेशुद्ध अवस्थेत आहेत. कौटुंबिक कारणांमुळे नैराश्यातून हा प्रकार घडल्याचे शिवाजीनगर पोलिसांकडून सांगण्यात आले.