First Foreigner Organ Donation in Pune
Sakal
पुणे : पुण्यात प्रथमच परदेशी महिलेचे अवयवदान झाले. तिच्या अवयवदानातून चार रुग्णांना जीवनदान मिळाले. भारतीय वंशाची मात्र ऑस्ट्रेलियन नागरिक असलेल्या ४६ वर्षीय महिला मेलबर्न येथे राहत होती. ती दिवाळीसाठी लोणावळा येथे कुटुंबीयांसह आली होती. हे अवयवदान तीन नोव्हेंबरला झाले. पुण्यात प्रथमच एका परदेशी नागरिकाकडून अवयवदानाची घटना नोंदवली गेली असल्याची माहिती पुणे विभागीय अवयव प्रत्यारोपण समन्वय समिती (झेडटीसीसी)च्या समन्वयक आरती गोखले यांनी दिली.