Forest Plantation: पुणे वनवृत्तात ४०८ हेक्टरवर ३० लाख रोपे; वनमहोत्सव २०२६ साठी वन विभाग सज्ज

प्रज्वल रामटेके

पुणे : महाराष्ट्र सरकारच्या वन विभागातर्फे दरवर्षी राबविल्या जाणाऱ्या ‘वनमहोत्सव’ अंतर्गत यंदा राज्यभर व्यापक वृक्षलागवड मोहीम हाती घेण्यात आली आहे. राज्याने २०२६-२७ या वर्षात अतिरिक्त १० कोटी वृक्षलागवडीचे उद्दिष्ट निश्चित केले असून, त्याअंतर्गत पुणे वनवृत्तात या पावसाळ्यात सुमारे ३० लाख रोपांची लागवड केली जाणार आहे. यासाठी लागणारी सर्व पूर्वतयारी पूर्ण झाली असून, वन विभाग प्रत्यक्ष वृक्षलागवडीसाठी सज्ज असल्याची माहिती पुणे वनवृत्तातर्फे देण्यात आली.