२०२३ मध्ये होणाऱ्या ‘जी २०’ या परिषदेचे अध्यक्षपद भारताकडे आहे. पुढील वर्षभरात देशातील विविध शहरात बैठका होणार आहेत. त्यामध्ये पुण्यात तीन बैठकांचा समावेश आहे.
पुणे - पुणे महापालिकेचा महत्वकांक्षी प्रकल्प असलेला मुळा मुठा नदी काठ सुधार प्रकल्पाचा प्रयोगिक तत्त्वावर येरवडा येथे सुरू असलेल्या टप्प्याचे काम जानेवारी महिन्यात होणाऱ्या ‘जी २०’ परिषद आणि ‘नदी उत्सव’ या परिषदेच्या पूर्वी करण्याचे डिसेंबर अखेरपर्यंत पूर्ण करण्याचे आदेश ठेकेदारास देण्यात आले आहेत. हा टप्पा पूर्ण झाल्याने नागरिकांना प्रकल्पाची व्यवस्थित माहिती मिळेलच शिवाय गैरसमज दूर होतील असे महापालिका आयुक्त विक्रम कुमार यांनी सांगितले.
२०२३ मध्ये होणाऱ्या ‘जी २०’ या परिषदेचे अध्यक्षपद भारताकडे आहे. पुढील वर्षभरात देशातील विविध शहरात बैठका होणार आहेत. त्यामध्ये पुण्यात तीन बैठकांचा समावेश आहे. त्यादृष्टीने महापालिकेच्या तयारीला वेग आलेला आहे. या परिषदेतील पुण्यातील पहिली बैठक १३ ते १५ जानेवारी, १६ ते १८ जून व २८ व २९ जून या कालावधीत होणार आहेत. या संदर्भात मुख्यमंत्र्यांच्या अतिरिक्त मुख्य सचिवांनी आज व्हिडिओ कॉन्फरन्सद्वारा बैठक घेऊन महापालिकेकडून सुरू असलेल्या तयारीचा आढावा घेतला.
या परिषदेसाठी देशातील तसेच परदेशातील सुमारे २५० उच्च पदस्थ उपस्थित राहणार आहेत. या बैठकीच्या निमित्ताने पुण्यातील सार्वजनिक स्वच्छतेवर भर दिला जात आहे. यामध्ये होर्डिंग, अनधिकृत फ्लेक्स, अतिक्रमण यावर कारवाई करण्यावर भर दिला जात आहे. तसेच प्रमुख ६० चौकांचे सुशोभीकरण केले जाणार असून, ५२ ठिकाणचे काम सुरू झाले आहे. शहरातील मोठ्या कंपन्या व उद्योगपती, बँकांनीही शहराच्या सुशोभीकरणाला हातभार लावावा, यासाठी येत्या आठवड्यात त्यांच्यासोबत बैठक घेतली जाणार आहे.
जानेवारी महिन्यातच नदी काठ सुधार प्रकल्पासंदर्भात पुण्यात बैठक होणार आहे, यावेळी ३० पेक्षा जास्त शहराचे प्रतिनिधी उपस्थित राहणार आहेत. या दोन मोठ्या बैठका शहरात होत असताना नदी सुधार प्रकल्पाचा सुमारे ३०० ते ५०० मीटरचा टप्पा जानेवारी महिन्यात पूर्ण करा असे आदेश देण्यात आलेले आहेत. नागरिकांनाही या ठिकाणी जाता येईल. यातून प्रकल्प समजून घेता येईल, असे विक्रम कुमार यांनी सांगितले.
व्हीआयपी मार्गाची पाहणी
‘जी २०’ परिषदेसाठी तयारी करताना विमानतळ ते सेनापती बापट रस्त्यावरील पंचतारांकित हॉटेल पर्यंतच्या मार्गाची आयुक्तांकडून गुरवारी पाहणी केली जाणार आहे. या रस्त्यावरून देश परदेशातील उच्च पदस्थ अधिकारी जाणार असल्याने पथदिवे, अतिक्रमण, रस्ते, राडारोडा यासह इतर पायाभूत सुविधा, सुशोभीकरण याचा आढावा घेतला जाईल. त्यातून आवश्यक त्या ठिकाणी लगेच सुधारणा केल्या जातील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.